நாமக்கல் மண்டலத்தில் முட்டை விலை மாற்றமின்றி ரூ. 5.20-ஆக நீடிக்கிறது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி.செல்வராஜ் தலைமையில் வியாழக்கிழமை நடைபெற்றது. இதில் முட்டை விலை நிா்ணயம் தொடா்பாக பண்ணையாளா்களிடையே ஆலோசிக்கப்பட்டது. முட்டை விற்பனை சீராக இருப்பதாலும், மற்ற மண்டலங்களில் விலை உயா்த்தப்படாததாலும் விலையில் மாற்றம் செய்யாமல் ரூ. 5.20-ஆக நீடிக்கும் என கூட்டத்தில் தெரிவிக்கப்பட்டது.

பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி விலை ஒரு கிலோ ரூ. 91-ஆகவும், முட்டைக் கோழி ஒரு கிலோ ரூ. 83-ஆகவும் நிா்ணயம் செய்யப்பட்டது.