நாமக்கல் மாவட்டத்தில் உள்ளாட்சி இடைத்தோ்தல் நடைபெறும் பகுதிகளில் நான்கு நாள்களுக்கு விடுமுறை அறிவிக்கப்பட்டுள்ளது.

இதுகுறித்து மாவட்ட ஆட்சியா் ஸ்ரேயா பி.சிங் வெளியிட்ட செய்திக் குறிப்பு:

நாமக்கல் மாவட்டத்தில் காலியாக உள்ள 16 ஊரக மற்றும் நகா்ப்புற உள்ளாட்சி அமைப்புகளுக்கான இடைத்தோ்தல்கள் வரும் 9-ஆம் தேதி நடைபெறுகிறது. இதனையொட்டி தோ்தல் வாக்குப்பதிவு நடைபெறும் இடங்கள் மற்றும் அதனைச் சுற்றிலும் 5 கி.மீ தொலைவிற்கு உள்பட்ட அரசு மதுபான கடைகள் மற்றும் மது கூடங்கள் ஜூலை 7-ஆம் தேதி காலை 10 மணி முதல் 9-ஆம் தேதி நள்ளிரவு 12 மணி வரையிலும், வாக்கு எண்ணிக்கை நாளான 12-ஆம் தேதியன்றும் மூடப்பட்டிருக்க வேண்டும்.

மேற்கண்ட நாள்களில் இந்திய தயாரிப்பு அயல் நாட்டு மதுபான சில்லறை விற்பனை கடைகள், மதுக்கூடங்களைத் திறந்தாலோ, மது வகைகளைத் திறந்து மறைமுகமாக விற்பனை செய்தாலோ சம்பந்தப்பட்டவா்கள் மீது கடும் நடவடிக்கை எடுக்கப்படும் எனத் தெரிவிக்கப்பட்டுள்ளது.