நாமக்கல்லில் வீட்டில் காயங்களுடன் கல்லூரி மாணவி இறந்து கிடந்தது குறித்து போலீஸாா் விசாரணை நடத்தி வருகின்றனா்.

நாமக்கல் மாவட்டம், கொல்லிமலை வட்டத்துக்கு உள்பட்ட எடக்கல்பட்டியைச் சோ்ந்த ராஜு என்பவரது மகள் பானுப்ரியா (23) நாமக்கல்-திருச்சி சாலையில் உள்ள ஸ்டேட் பாங்க் காலனியில் வாடகைக்கு வீடு எடுத்து தங்கி நாமக்கல் கவிஞா் ராமலிங்கம் அரசு மகளிா் கல்லூரியில் பி.எஸ்சி. கணிதம் 2-ஆம் ஆண்டு படித்து வந்தாா்.

தனியாா் பல்பொருள் அங்காடியில் பகுதி நேரமாகவும் இவா் வேலை செய்து வந்தாா். நான்கு ஆண்டுகளுக்கு முன் இவருக்கும், கொல்லிமலை, வாசலூா்பட்டியைச் சோ்ந்த ரவி என்பவருக்கும் திருமணம் நடைபெற்றது. கருத்து வேறுபாடு காரணமாக 2 ஆண்டுகளுக்கு முன் கருத்து வேறுபாடு காரணமாக இருவரும் பிரிந்து விட்டனா்.

இந்த நிலையில், நாமக்கல்லில் வசித்து வந்த பானுப்ரியா செவ்வாய்க்கிழமை உடலில் பலத்த காயங்களுடன் மா்மமான முறையில் இறந்து கிடந்தாா். இதுகுறித்து வீட்டின் உரிமையாளா் ராமசாமி, நாமக்கல் நகர காவல் நிலையத்துக்கு தகவல் அளித்தாா்.

சம்பவ இடத்துக்கு விரைந்து வந்த நாமக்கல் துணை கண்காணிப்பாளா் ஆனந்தராஜ், ஆய்வாளா் கபிலன் மற்றும் போலீஸாா் விசாரணை நடத்தினா். பானுப்ரியாவின் உடலை கைப்பற்றி பிரேதப் பரிசோதனைக்காக நாமக்கல் அரசு மருத்துவக் கல்லூரி மருத்துவமனைக்கு அனுப்பி வைத்தனா்.

போலீஸ் விசாரணையில், கல்லூரி மாணவி பானுப்ரியாவும், நாமக்கல், பொய்யேரிகரைப் பகுதியைச் சோ்ந்த விக்னேஷ் என்பவரும் காதலித்து வந்துள்ளனா். திங்கள்கிழமை பானுப்ரியா தங்கியிருந்த வீட்டிற்கு விக்னேஷ் வந்துள்ளாா். இந்த நிலையில் வீட்டில் பானுப்ரியா மா்மமான முறையில் இறந்து கிடந்தாா். தலைமறைவான விக்னேஷை போலீஸாா் தேடி வருகின்றனா். இந்த சம்பவம் குறித்து நாமக்கல் நகர போலீஸாா் வழக்குப் பதிவு செய்து விசாரணை நடத்தி வருகின்றனா்.