தேசிய முட்டை ஒருங்கிணைப்புக் குழுவின் நிறுவனா் மருத்துவா் பி.வி.ராவ் 90ஆவது பிறந்த தின விழா வியாழக்கிழமை நடைபெற்றது.

நாமக்கல் மண்டல தேசிய முட்டை ஒருங்கிணைப்புக் குழு சாா்பில் நாமக்கல்-திருச்சி சாலையில் உள்ள செல்வம் மெட்ரிக் பள்ளியில் நடைபெற்ற விழாவில், தேசிய முட்டை ஒருங்கிணைப்புக் குழுவின் மத்திய செயற்குழு உறுப்பினா் தங்கமுத்து தலைமை வகித்தாா். மண்டல பொருளாளா் கே.சுந்தரராஜ், முட்டை ஏற்றுமதியாளா் பன்னீா்செல்வம், வெங்கடேஸ்வரா ஹேச்சரீஸ் நிறுவனத்தின் நாமக்கல் மண்டல துணைப் பொது மேலாளா் மருத்துவா் சி.மேகநாதன் ஆகியோா் கலந்துகொண்டனா்.

விழாவில் சிறப்பு அழைப்பாளராக செல்வம் கல்வி நிறுவனங்களின் தாளாளா் ஜெயம் செல்வராஜ் கலந்துகொண்டு மாணவா்களுக்கு வேகவைத்த முட்டைகளை வழங்கினாா். அதேபோல மோகனூா் கலைமகள் மெட்ரிக் பள்ளி, செல்வம் உயா்நிலைப் பள்ளிகளிலும் (முதலைப்பட்டி) மாணவா்களுக்கு வேகவைத்த முட்டைகள் வழங்கப்பட்டன.

கோழிப் பண்ணையாளா்கள், வெங்கடேஸ்வரா குழும நிறுவனங்களின் பணியாளா்கள் மற்றும் தேசிய முட்டை ஒருங்கிணைப்புக் குழு உறுப்பினா்கள் கலந்துகொண்டனா். இதற்கான ஏற்பாடுகளை, தேசிய முட்டை ஒருங்கிணைப்புக் குழுவின் உதவி பொது மேலாளா் வி.எஸ். பாலசுப்பிரமணியம், செல்வம் மெட்ரிக் பள்ளி முதல்வா் சாரதா மணி மற்றும் ஆசிரியா்கள் செய்திருந்தனா்.

என்கே-6-எக்

மருத்துவா் பி.வி.ராவ் 90 ஆவது பிறந்த தினத்தை முன்னிட்டு, நாமக்கல் செல்வம் மெட்ரிக் பள்ளியில் மாணவா்களுக்கு வேகவைத்த முட்டைகளை வழங்கிய பள்ளி தாளாளா் ஜெயம் செல்வராஜ். உடன், தேசிய முட்டை ஒருங்கிணைப்புக் குழு மண்டல நிா்வாகிகள்.