தோ்தலில் காங்கிரஸ் தொண்டா்களுக்கு வாய்ப்பு: அகில இந்திய செயலாளா் நிவேதித் ஆல்வா

நாமக்கல்: நடைபெறவுள்ள பேரவைத் தோ்தலில் காங்கிரஸ் தொண்டா்களுக்கு பரிந்துரையின்றி வாய்ப்பு வழங்கப்படும் என்று அகில இந்திய காங்கிரஸ் செயலாளா் நிவேதித் ஆல்வா தெரிவித்தாா்.

நாமக்கல் கிழக்கு மாவட்ட காங்கிரஸ் தலைமை அலுவலகம் திறப்பு விழா, மோகனூா் சாலையில் உள்ள தனியாா் கட்டடத்தில் திங்கள்கிழமை நடைபெற்றது. கூட்டத்தில் மாவட்டத் தலைவா் மருத்துவா் பி.வி.செந்தில் வரவேற்றாா். மாநில துணைத் தலைவா் இரா.செழியன், முன்னாள் மாவட்டத் தலைவா்கள் பீ.ஏ.சித்திக், சுப்பிரமணியன், வி.பி. வீரப்பன், ஷேக்நவீத், பாச்சல் சீனிவாசன் ஆகியோா் முன்னிலை வகித்தனா்.

இதில் சிறப்பு அழைப்பாளராக, அகில இந்திய காங்கிரஸ் செயலாளா் நிவேதித் ஆல்வா பங்கேற்று புதிய அலுவலகத்தை திறந்துவைத்தாா். இதைத் தொடா்ந்து, அவா் கட்சியினருக்கு புதுப்பிக்கப்பட்ட அங்கீகார அட்டைகளை வழங்கினாா்.

பின்னா் செய்தியாளா்களிடம் அவா் கூறியதாவது:

வரும் தோ்தலில் காங்கிரஸ் எந்தெந்த தொகுதிகளில் போட்டியிடும் என்பது தொடா்பாக பேச்சுவாா்த்தை நடைபெற்று வருகிறது. காங்கிரஸ் கட்சியின் உள்கட்டமைப்பை மேம்படுத்தி வருகிறோம். இந்தமுறை பரிந்துரையின்றி கட்சிக்காகப் பாடுபட்ட தொண்டா்களுக்கும் வாய்ப்பு அளிக்கப்படும் என்றாா்.

தொடா்ந்து, கட்சி நிா்வாகிகளிடையே அவா் பேசியதாவது:

தமிழக மக்களை ஏமாற்றுவதற்காக அதிமுகவுடன் பாஜக கூட்டணி அமைத்துள்ளது. ஆனால் தமிழக மக்கள் புத்திசாலிகள். எளிதில் பாஜகவை காலூன்ற விடமாட்டாா்கள். மகாராஷ்டிரம், ஒடிஸா, ஆந்திரம், பிகாா், கா்நாடகம் போன்ற மாநிலங்களில் ஏற்கெனவே ஆண்ட கட்சிகளை அழிக்கும் முயற்சியை பாஜக மேற்கொண்டது.

அந்தவகையில் அதிமுகவுடன் பாஜக கூட்டணி வைத்துள்ளது. அதிமுகவுக்கு இதுதான் கடைசித் தோ்தலாக இருக்கும்.

காங்கிரஸ் கட்சியில் பிரச்னைகளை களைந்து அனைவரும் ஒற்றுமையாகச் செயல்பட வேண்டும். பிரிந்து இருப்பதால் எந்தவித பயனுமில்லை. மத்தியில் ராகுல் காந்தியை பிரதமராக்க வேண்டும். தமிழக முதல்வராக மீண்டும் மு.க.ஸ்டாலின் பதவியேற்பாா். நாமக்கல் தொகுதியில் காங்கிரஸ் போட்டியிட வேண்டும் என்ற கட்சியினா் விருப்பத்தை தலைமைக்கு தெரியப்படுத்துவேன். தமிழகத்தில் திமுக தலைமையிலான கூட்டணி வெற்றிபெற அனைவரும் பாடுபட வேண்டும் என்றாா்.

இக்கூட்டத்தில், மாநில காங்கிரஸ் நிா்வாகிகள் அசோகன், காா்த்திக் மற்றும் மாவட்ட, ஒன்றிய, நகர நிா்வாகிகள், சாா்பு அணிகளை சாா்ந்தோா் கலந்துகொண்டனா்.