மேட்டூர் அணைக்கு வரும் நீரின் அளவு நொடிக்கு 11, 402 கனஅடியாக அதிகரித்துள்ளது.
கடந்த ஒரு வாரமாக காவிரியின் நீர்பிடிப்புப் பகுதிகளில் லேசான மழை பெய்து வருகிறது. இதனால், மேட்டூர் அணைக்கு வரும் நீரின் அளவு படிப்படியாக அதிகரித்து வெள்ளிக்கிழமை காலை அணைக்கு வரும் நீரின் அளவு நொடிக்கு 11,402 கனஅடியாக அதிகரித்தது.
அணையிலிருந்து காவிரி டெல்டா பாசனத்துக்குத் திறக்கப்படும் நீரின் அளவு நொடிக்கு 5 ஆயிரம் கனஅடியிலிருந்து 7 ஆயிரம் கனஅடியாக அதிகரிக்கப்பட்டுள்ளது.
கிழக்கு, மேற்கு கால்வாய் பாசனத்துக்குத் திறக்கப்படும் நீரின் அளவு நொடிக்கு 300 கன அடியிலிருந்து 700 கனஅடியாக அதிகரிக்கப்பட்டுள்ளது. அணையின் நீர் இருப்பு 69.92 டி.எம்.சியாக இருந்தது.