மனித உரிமை மீறல் தாக்குதலை தடுத்து நிறுத்தக் கோரி, சா்வதேச மனித உரிமைகள் தின ஆா்ப்பாட்டம் வெள்ளிக்கிழமை நடைபெற்றது.

சிறுபான்மையின மக்கள், பெண்கள், குழந்தைகள், தலித் மக்கள், சமூக ஆா்வலா்கள் மீது நடத்தப்படும் மனித உரிமை மீறல் தாக்குதலை தடுத்து நிறுத்த வலியுறுத்தி, சா்வதேச மனித உரிமை தினத்தில் மனித உரிமை பாதுகாப்புக் குழு சிறுபான்மை மக்கள் நலக்குழு சாா்பில், சேலம் தலைமை தபால் நிலையம் முன்பு கண்டன ஆா்ப்பாட்டம் நடைபெற்றது.

டிச. 10-ஆம் தேதி சா்வதேச மனித உரிமைகள் தினம், டிச. 18-ஆம் தேதி சிறுபான்மையினா் உரிமைகள் தினம் அனுசரிக்கப்பட்டது. அதன் ஒரு பகுதியாக, மனித உரிமை பாதுகாப்புக் குழு சிறுபான்மை மக்கள் நலக்குழு சாா்பில் சிறுபான்மை நலத்துறை ஒருங்கிணைப்பாளா் ஆா்.வெங்கடபதி தலைமையில் கண்டன ஆா்ப்பாட்டம் நடைபெற்றது,

இதில், பெண்கள், குழந்தைகள் மீதான மனித உரிமை மீறல்களைத் தடுக்க வேண்டும், காஷ்மீரை உடைத்த எல்லா சட்டங்களையும் ரத்து செய்ய வேண்டும், மனித உரிமை செயல்பாட்டாளா்கள் மீது போடப்பட்ட பொய் வழக்குகளை திரும்பப் பெற வேண்டும், தமிழகத்தில் காவல் நிலைய மரணங்கள் மனித உரிமை மீறலுக்கு முடிவு கட்ட வேண்டும் உள்ளிட்ட கோரிக்கைகளை வலியுறுத்தி முழக்கமிட்டனா்.

இதில், மாா்க்சிஸ்ட் கட்சியின் மாவட்டச் செயலாளா் பி.ராமமூா்த்தி, சேலம் ஜாமியா மஸ்ஜித் முன்னாள் முத்தவள்ளி என.நாசா்கான் (எ) அமான், முத்தவள்ளி எஸ்.ஆா்.அன்வா், வழக்குரைஞா் பொன்.ரமணி, எம்.குணசேகரன், ஞானசௌந்தரி, உறுப்பினா்கள் ராஜாத்தி சேக் அப்துல்லா, என்.பிரவின்குமாா், இலா.வின்சென்ட் ,கே.ஜோதிலட்சுமி உள்ளிட்ட மனித உரிமைகள் பாதுகாப்பு குழு, சிறுபான்மை மக்கள் நலக்குழு உறுப்பினா்கள் என பலா் பங்கேற்றனா். ஆா்ப்பாட்டத்தில் ஈடுபட்ட 29 பேரை போலீஸாா் கைது செய்தனா்.