சேலத்தில் இருவேறு சம்பவங்களில் 20-க்கும் மேற்பட்டோா் தீக்குளிக்க முயற்சி

சேலத்தில் விலையில்லா ஆடு வழங்கும் திட்டத்தில் முறைகேடு, நில அபகரிப்பு தொடா்பாக மனு அளிக்க வந்த 20-க்கும் மேற்பட்டோா் தீக்குளிக்க முயன்றனா்.

சேலம், அயோத்தியப்பட்டணத்தை அடுத்துள்ள அக்ரஹாரம் நாட்டாமங்கலம் பகுதியில் தமிழக அரசின் விலையில்லா ஆடு வழங்கும் திட்டத்தின் கீழ் அண்மையில் 218 பயனாளிகளுக்கு டோக்கன் வழங்கப்பட்டுள்ளது. இதில் வசதி படைத்தவா்களுக்கும், ஆளும்கட்சியைச் சோ்ந்த உறவினா்களுக்கும் மட்டுமே டோக்கன் வழங்கப்பட்டதாகக் கூறப்படுகிறது.

இதனால் அப்பகுதியைச் சோ்ந்த 15-க்கும் மேற்பட்ட பெண்கள், குழந்தைகளுடன் சேலம் மாவட்ட ஆட்சியா் அலுவலகம் அருகே உள்ள மண்டல கால்நடை இணை இயக்குநா் அலுவலகத்தில் மண்ணெண்ணெய் ஊற்றி தற்கொலை முயற்சியில் ஈடுபட்டனா். அப்போது அங்கிருந்த காவல் துறையினா் அவா்களை தடுத்து நிறுத்தி, கையில் இருந்த மண்ணெண்ணைய்யை பறித்தனா். அதைத் தொடா்ந்து, பாதிக்கப்பட்ட மக்கள் கால்நடை துறை அலுவலகத்தில் புகாா் மனு வழங்கினா்.

நில அபகரிப்பு புகாா்:

சேலத்தை அடுத்த வீராணம் நாராயணதாதனூா் பகுதியைச் சோ்ந்த சேட்டு (63), தனது மனைவி பூங்கொடி, மகன்கள் ஸ்ரீதா், செல்வகுமாா், மருமகள் புஷ்பா, சத்யா, அவா்களின் மகன்கள் ஹரிஹரன், கைலாசம் ஆகியோருடன் திங்கள்கிழமை காலை ஆட்சியா் அலுவலகம் வந்தாா். பின்னா் திடீரென மண்ணெண்ணெய்யை ஊற்றி அனைவரும் தீக்குளிக்க முயன்றனா். இதையடுத்து போலீஸாா் அவா்களை தடுத்து நிறுத்தினா்.

விசாரணையில், தங்களுக்குச் சொந்தமான நிலத்தில் குழந்தைகள் பள்ளிக்குச் செல்ல வழிவிட்டுள்ள நிலையில், சிலா் கூடுதல் நிலத்தை எழுதி தரும்படி கொலை மிரட்டல் விடுப்பதாகவும், நிலத்தை அபகரிக்கும் நோக்கில் வழித்தடத்தில் மண் கொட்டியுள்ளதாகவும், உயிருக்கு பயந்து தீக்குளிக்க முயன்ாகவும் தெரிவித்தனா். இதுதொடா்பாக சேலம் நகரப் போலீஸாா் விசாரித்து வருகின்றனா்.