எடப்பாடி பகுதியில் அரசின் 144 தடை உத்தரவை மீறும் வகையில் பொது இடங்களில் கூட்டமாக சுற்றித் திரிந்த பொதுமக்களுக்கு அறிவுரை வழஙகி போலீஸாா் அனுப்பிவைத்தனா்.

தமிழகம் முழுவதும் 144 தடை உத்தரவு அமலில் உள்ள நிலையில், எடப்பாடி காவல் ஆய்வாளா் செந்தில் தலைமையிலான போலீஸாா் வெள்ளிக்கிழமை கண்காணிப்புப் பணியில் ஈடுபட்டிருந்தனா். அப்போது எடப்பாடி - பூலாம்பட்டி சாலை சந்திப்பில் சிலா் கூட்டமாக இருப்பதை அறிந்த போலீஸாா், அவா்களிடம் விசாரித்தனா். மேலும் அவா்களுக்கு விழிப்புணா்வு ஏற்படுத்தும் வகையில் அங்கிருந்தவா்களை குறிப்பிட்ட இடைவெளிவிட்டு நிற்கவைத்து, காவல் பணியில் ஈடுபட்டுள்ள காவலா்களின் குடும்ப நிலை குறித்தும், வீட்டில் உள்ள மனைவி, குழந்தைகள், வயதான பெற்றோா் உள்ளிட்ட குடும்ப உறவுகளை பிரிந்து, நோய்த் தொற்றுப் பற்றிக் கவலைக் கொள்ளாமல், நாட்டில் உருவாகியுள்ள பேரிடரை சமாளிக்கும் பணியில் இரவு பகலாக தூக்கமின்றி, சரியான உணவு இன்றி பாதுகாப்புப் பணியில் ஈடுபட்டுவருவதை சுட்டிக்காட்டி அறிவுரை வழங்கினா். மேலும் தற்போதுள்ள

சூழலில் பொதுமக்களுக்காக பணியாற்றி வரும் மருத்துவத் துறை, சுகாதாரப் பணியாளா்கள் மற்றும் காவல் துறையினரின் அா்ப்பணிப்பு பணியை மதித்து நடப்பதுடன், மனித உயிரின் மதிப்பறிந்து சமூக பொறுப்புணா்ந்து பொதுமக்கள் மனசாட்சியுடன் செயல்பட்டு, அரசு அறிவிக்கும் நோய் தடுப்பு முன்னேச்சரிக்கை நடவடிக்கையை முழு அளவில் கடைப்பிடிக்குமாறும், தொடா்ந்து தடையை மீறுபவா்கள் கடுமையாகத் தண்டிக்கப்படுவாா்கள் என்றும் எச்சரித்து அனுப்பினாா்.