வீரமாமுனிவரால் கட்டப்பட்ட புனித செல்வநாயகி தேவாலயத்தில் கிறிஸ்துமஸ் விழா

எடப்பாடியை அடுத்த வெள்ளாண்டிவலசு பகுதியில், தமிழ் புலவா் வீரமாமுனிவரால் கட்டப்பட்ட புனித செல்வநாயகி ஆலயத்தில் கிறிஸ்துமஸ் விழா கொண்டாடங்கள் வெள்ளிக்கிழமை தொடங்கியது.

1710 ஆம் ஆண்டில் இந்தியா வந்த இத்தாலியைச் சோ்ந்த மதபோதகரான, கான்ஸ்டன்டைன் ஜோசப் பெஸ்கி, கோவா சென்று அங்கிருந்து கொச்சி வழியாக தமிழகப் பகுதிக்கு வந்தாா்.

தமிழகப் பகுதிகளில் மதப் பிரசாரத்தில் ஈடுபட்ட அவா் தமிழ் மொழியால் ஈா்க்கப்பட்ட அவா் தனது பெயரை வீரமாமுனிவா் என்று மாற்றியதுடன், தேம்பாவணி உள்ளிட்ட 23க்கும் மேற்பட்ட தமிழ் காப்பியங்களையும் படைத்துள்ளாா்.

வீரமாமுனிவா் எடப்பாடியை அடுத்த வெள்ளாண்டிவலசு பகுதியில் நீண்ட நாள்கள் தங்கி, அப்பகுதி மக்கள் வழிபடுவதற்காக, புனித செல்வநாயகி மாதா பேராலயத்தினை நிா்மாணித்தாா்.

இந்த வரலாற்று சிறப்புமிக்க புனித செல்வநாயகி பேராலயத்தில், நிகழாண்டிற்கான கிறிஸ்துமஸ் கொண்டாட்டங்கள் வெள்ளிக்கிழமை தொடங்கின. ஆலய வளாகத்தில் அமைக்கப்பட்டுள்ள பிரம்மாண்ட கிறிஸ்துமஸ் குடில் மற்றும் கிறிஸ்துமஸ் மரம் உள்ளிட்டவை வண்ண விளக்குகளால் அலங்கரிக்கப்பட்டுள்ளன.

வெள்ளி இரவு நடைபெறும் சிறப்பு திருப்பலி நிகழ்வினைத் தொடா்ந்து, குழந்தை ஏசுவின் திருத்தோ் பவனி நிகழ்வு நடைபெற்றஉள்ளது. கிறிஸ்துமஸ் விழாவை முன்னிட்டு, புனித செல்வநாயகி ஆலயம் முழுவதும் மின்விளக்கு அலங்காரம் செய்யப்பட்டுள்ளது.

இதேபோல், எடப்பாடியை அடுத்த சின்னமணலி பகுதியில் உள்ள லண்டன் மிஷன்பேட்டையில் உள்ள தேவாலயம், நைனாம்பட்டி ஆா்.சி. சா்ச், கொங்கணாபுரத்தை அடுத்த வெட்டுக்காடு வேளாங்கண்ணி மாதா ஆலயம் உள்ளிட்ட பல்வேறு தேவாலயங்களிலும் கிறிஸ்துமஸ் பெரு விழா சிறப்பாக கொண்டாடப்பட்டு வருகிறது.