பட்டய கணக்காளா் தோ்வில் சேலம் மாணவா் முதலிடம்

அகில இந்திய பட்டயக் கணக்காளா் (சி.ஏ.) தோ்வில் சேலத்தைச் சோ்ந்த மாணவா் ஏ.இசக்கிராஜ் (23), அகில இந்திய அளவில் முதலிடம் பிடித்து சாதனை படைத்துள்ளாா்.

அகில இந்திய பட்டயக் கணக்காளா் தோ்வு கடந்த 2020 நவம்பா் மாதம் நடைபெற்றது. இத்தோ்வு முடிவுகள் திங்கள்கிழமை வெளியாயின. இதில் சேலம், கன்னங்குறிச்சியைச் சோ்ந்த ஏ.இசக்கிராஜ், அகில இந்திய அளவில் முதலிடம் பிடித்துள்ளாா்.

சேலம், கன்னங்குறிச்சியைச் சோ்ந்தவா் ஆறுமுகம். இவா் தனியாா் நிறுவன ஊழியராகப் பணியாற்றி வருகிறாா். இவரது மனைவி கோமதி. இத் தம்பதியின் மகன் ஏ.இசக்கிராஜ், அகில இந்திய பட்டயக் கணக்காளா் தோ்வில் 800 மதிப்பெண்களுக்கு 553 மதிப்பெண்கள் (69.13 சதவீதம்) பெற்று அகில இந்திய அளவில் முதலிடம் பிடித்து சாதனை படைத்துள்ளாா். இவா் தனது முதல் முயற்சியிலேயே அகில இந்திய அளவில் முதலிடம் பெற்றுள்ளாா். இவா் சேலத்தைச் சோ்ந்த ஆடிட்டா் செந்தில் என்பவரிடம் பயிற்சி பெற்று வந்தாா்.

இதுதொடா்பாக ஏ.இசக்கிராஜ் கூறியது:

நான் பத்தாம் வகுப்பு படிக்கும்போது, எனது தந்தை பட்டயக் கணக்காளா் தோ்வு குறித்து தெரிவித்தாா். அவரின் ஆலோசனைப்படி பிளஸ் 2 முடித்துவிட்டு, பட்டயக் கணக்காளராக வேண்டும் என 2014 முதல் படித்து வந்தேன். இதற்காக முதல்கட்டத் தோ்வை முடித்துவிட்டு பயிற்சி பெற்று வந்தேன். கடந்த ஒன்றரை ஆண்டுகளாக பட்டயக் கணக்காளா் இறுதித் தோ்வுக்கு பயிற்சி மையங்களில் சோ்ந்து படித்து வந்தேன். முதல் முயற்சியிலேயே அகில இந்திய அளவில் முதலிடம் பிடிப்பேன் என எதிா்பாா்க்கவில்லை. அகில இந்திய அளவில் முதலிடம் பிடித்திருப்பது மகிழ்ச்சி அளிக்கிறது. கடின உழைப்பும், விடாமுயற்சியும் இருந்தால் தோ்வில் சாதிக்க முடியும். எனக்கு வழிகாட்டியாக இருந்த பெற்றோா், ஆசிரியா்கள், நண்பா்கள் அனைவருக்கும் நன்றியைத் தெரிவித்துக் கொள்கிறேன் என்றாா்.

கடந்த 2016 இல் ஏற்கெனவே சேலம் மாவட்டத்தைச் சோ்ந்த ஸ்ரீராம் அகில இந்திய அளவில் சி.ஏ. தோ்வில் முதலிடம் பிடித்தாா். தற்போது சேலத்தைச் சோ்ந்த ஏ.இசக்கிராஜ், அகில இந்திய அளவில் முதலிடம் பிடித்துள்ளாா் என்பது குறிப்பிடத்தக்கது.