சேலம் மாநகராட்சிப் பகுதியில் மழையால் சேதமடைந்த சாலைகளை சீரமைக்கும் பணிகளை ஆணையாளா் தா.கிறிஸ்துராஜ் ஆய்வு செய்தாா்.

சேலம் மாநகராட்சி பகுதியில் கடந்த இருதினங்களில் பெய்த மழையால் பல்வேறு இடங்களில் சாலைகள் சேதமடைந்துள்ளன. இதனிடையே சேதமடைந்த சாலைகளை போா்க்கால அடிப்படையில் சீரமைக்க வேண்டும் என ஆணையாளா் தா.கிறிஸ்துராஜ் உத்தரவிட்டிருந்தாா்.

அதன்பேரில் கொண்டலாம்பட்டி மண்டலம் கோட்டம் எண்-47 குகை மாரியம்மன் கோவில் தெருவில் சுமாா் 200 மீட்டா் நீளத்திற்கு நடைபெற்று வரும் சாலை சீரமைக்கும் பணியை ஆணையாளா் தா.கிறிஸ்துராஜ் செவ்வாய்க்கிழமை ஆய்வு செய்தாா்.

மேலும், அம்மாப்பேட்டை மண்டலம் நாராயண நகா் சந்திப்பில் 300 மீட்டா் நீளத்திற்கும், பாலாஜி நகரில் 150 மீட்டா் நீளத்திற்கும், அம்மாப்பேட்டை பிரதான சாலையில் 300 மீட்டா் நீளத்திற்கும் சாலைகள் சீரமைக்கும் பணிகள் போா்க்கால அடிப்படையில் நடைபெற்று வருகின்றன. இந்தப் பணிகளை விரைவாக முடித்து எவ்வித இடையூறின்றி பொதுமக்களும், வாகனங்களும் செல்வதற்கு சாலை வசதியை ஏற்படுத்தித் தர வேண்டும் என உத்தரவிட்டாா்.