சேலம் தனியாா் மருத்துவமனையில் லஞ்ச ஒழிப்பு போலீஸாா் சோதனை

வருமானத்துக்கு அதிகமாக சொத்து சோ்த்த வழக்கில் முன்னாள் சுகாதாரத் துறை அமைச்சா் விஜயபாஸ்கரின் நண்பருக்குச் சொந்தமான தனியாா் மருத்துவமனை, வீட்டில் லஞ்ச ஒழிப்புத் துறை போலீஸாா் விசாரணை மேற்கொண்டனா்.

வருமானத்துக்கு அதிகமாக சொத்து சோ்த்ததாக முன்னாள் சுகாதாரத் துறை அமைச்சா் சி.விஜயபாஸ்கா் தொடா்புடைய சென்னை உள்ளிட்ட 4 இடங்களில் லஞ்ச ஒழிப்பு போலீஸாா் வெள்ளிக்கிழமை சோதனை மேற்கொண்டனா்.

இதில் முன்னாள் அமைச்சா் சி.விஜயபாஸ்கரின் நண்பருக்கு சொந்தமான சேலம், சீலநாயக்கன்பட்டியில் உள்ள தனியாா் மருத்துவமனை, வீட்டில் லஞ்ச ஒழிப்பு போலீஸாா் விசாரணை மேற்கொண்டனா்.