சித்திரை மாதம் பிறப்பு: ஐயப்பன் கோயிலில் சிறப்பு பூஜை

 சித்திரை மாத பிறப்பையொட்டி, தம்மம்பட்டி அருகே உள்ள ஐயப்பன் கோயிலில் வியாழக்கிழமை சிறப்பு பூஜை நடைபெறுகிறது.

தம்மம்பட்டி அருகே உள்ள நாகியம்பட்டி ஆண்டித்தெப்பத்தில் மகாகணபதி, மஞ்சமாதா, நாகராஜா, 18-ஆம் படி, கருப்பண்ணசாமி, கடுத்தசாமி ஆகிய பரிவார தேவதைகளுடன் அருள்பாலித்து வரும் ஐயப்பன் சுவாமி கோயிலில், வியாழக்கிழமை அதிகாலை 4 மணிக்கு நடை திறக்கப்படுகிறது. தொடா்ந்து, 4.15-க்கு கனி தரிசனம், 5 மணிக்கு கணபதி ஹோமம், 6 மணிக்கு சிறப்பு அபிஷேகம், விஷுக்கனி பூஜை நடைபெறுகிறது. இரவு 7 மணிக்கு மகா தீபாராதனை காட்டப்பட்டு நடை அடைக்கப்படுகிறது.