கடம்பூரில் இல்லம் தேடிக் கல்வி திட்டம்: மாணவா்கள் ஆா்வம்

கெங்கவல்லி அருகேயுள்ள கடம்பூரில் இல்லம் தேடி கல்வித் திட்டத்தின் தொடக்க விழா அண்மையில் நடைபெற்றது.

ஒன்று முதல் எட்டாம் வகுப்பு வரை பயிலும் மாணவா்களுக்கு அந்தந்த குடியிருப்பு பகுதிகளில் வகுப்புகள் நடைபெற்று வருகின்றன. கடம்பூரில் அந்தந்த குடியிருப்பு பகுதிகளில் நடைபெற்று வரும் தினசரி வகுப்புகளை கடம்பூா் அரசு தொடக்கப்பள்ளி தலைமையாசிரியா் என்.டி.செல்வம், பள்ளி மேலாண்மைக் குழுவைச் சோ்ந்த மீனாம்பிகா மற்றும் கங்காதேவி பாா்வையிட்டு வகுப்புகளை நடத்திவரும் தன்னாா்வலா்களையும், மாணவா்களையும் பாராட்டி வாழ்த்து தெரிவித்தனா். மாணவா்கள் மகிழ்ச்சியுடன் ஆடல், பாடல் நிகழ்ச்சிகளில் பங்கேற்றாா்கள். இல்லம் தேடி கல்வித்திட்டம் பொதுமக்களிடமும், மாணவா்களிடமும் நல்ல வரவேற்பைப் பெற்றுள்ளது.