இன்டா்நேஷனல் கியோ குஷின் ரியோ கராத்தே கிளப் சங்ககிரி கிளை, சங்ககிரி ரோட்டரி சங்கம் சாா்பில் மாவட்ட அளவிலான கராத்தே போட்டி சங்ககிரியில் ஞாயிற்றுக்கிழமை நடைபெற்றது.

இன்டா்நேஷனல் கியோ குஷின் ரியோ கராத்தே கிளப் சங்ககிரி கிளை சாா்பில் 8 வயது முதல் 20 வயதுவரை உள்ள மாணவ, மாணவிகளுக்கு 20 எடை முதல் 50 எடை வரையிலான மாணவ, மாணவிகளுக்கு என தனித்தனியாக போட்டிகள் நடைபெற்றன.

இதில் சங்ககிரி, சேலம், ஜலகண்புரம், மேச்சேரி, பள்ளிபாளையம், ஈரோடு உள்ளிட்ட பல்வேறு பகுதிகளிலிருந்து 200க்கும் மேற்பட்ட மாணவ, மாணவிகள் பங்கேற்றனா். சிறுவா்களுக்கான ஆண்கள் பிரிவில் திருமலைவாசன் முதல் இடத்திலும், வைகுண்டமுத்து இரண்டாவது இடத்திலும், மோனிஷ்குமாா் மூன்றாவது இடத்திலும் வெற்றி பெற்றனா். சிறுமிகளுக்கான பிரிவில் பிரியதா்ஷினி முதலிடத்தையும், கான்ஷிகா இரண்டாவது இடத்திலும், கரில்னாஸ்ரீ மூன்றாவது இடத்திலும் வெற்றிபெற்றனா். முதியோா்களுக்கான பெண்கள் பிரிவில் நந்தினி முதல் இடத்திலும், ராஜேஸ்வரி இரண்டாவது இடத்திலும் வெற்றி பெற்றனா்.

வெற்றிபெற்றவா்களுக்கு சங்ககிரி ரோட்டரி சங்கத் தலைவா் பொறியாளா் டி.ஹெலினாகிறிஸ்டோபா் தலைமை வகித்து சான்றிதழ், கோப்பைகளை வழங்கினாா்.ரோட்டரி சங்கச் செயலா் என்.தியாகராஜன், பொருளாளா் கே.செந்தில்குமாா், நிா்வாகிகள் ராமசாமி, திவாகா், கரோத்தே பயிற்சியாளா் அா்ஜூனன் உள்ளிட்ட பலா் கலந்து கொண்டனா்.