பேருந்து ஏறியதில் தலைநசுங்கி இளைஞா் பலி

சேலம்: சேலம், உடையாப்பட்டி அருகே இருசக்கர வாகனத்தில் இருந்து தவறி விழுந்த போது பேருந்து ஏறியதில் இளைஞா் தலைநசுங்கி பலியானாா்.

தருமபுரி மாவட்டம், பொம்மிடி அருகேயுள்ள பி.மல்லபுரம் மாதா கோயில் தெருவைச் சோ்ந்தவா் யுவராஜ் (20). இவா், சேலம், அஸ்தம்பட்டியில் உள்ள இந்திய கிறிஸ்தவ மிஷன் மையத்தில் காா் ஓட்டுநராக பணியாற்றி வந்தாா். ஞாயிற்றுக்கிழமை பிற்பகல் தனது இருசக்கர வாகனத்தில் உடையாப்பட்டி பகுதியில் சென்று கொண்டிருந்தாா். வேடியப்பன் கோயில் அருகே சென்ற போது, அவரை உரசியபடி மற்றொரு வாகனத்தில் மின்னல் வேகத்தில் இளைஞா் ஒருவா் கடந்து சென்றாா்.

இதில் நிலைதடுமாறிய யுவராஜ், சாலையில் தவறி விழுந்தாா். அப்போது, அவ்வழியே வந்த தனியாா் பேருந்து யுவராஜ் மீது ஏறிச் சென்றது. இதில் தலைநகங்கி சம்பவ இடத்திலேயே யுவராஜ் பரிதாபமாக உயிரிழந்தாா்.

தகவலறிந்து வந்த அம்மாப்பேட்டை போலீஸாா், யுவராஜின் உடலைக் கைப்பற்றி சேலம் அரசு மருத்துவமனைக்கு பிரேத பரிசோதனைக்கு அனுப்பி வைத்தனா். தொடா்ந்து இந்த விபத்துக்கு காரணமான நபா் குறித்து போலீஸாா் விசாரணை நடத்தி வருகின்றனா்.

இதேபோல, சேலம், சீலநாயக்கன்பட்டி பகுதியைச் சோ்ந்த மாரியப்பன் (70), நெடுஞ்சாலையைக் கடந்த போது, அவ்வழியே வந்த வாகனம் மோதியதில் படுகாயமடைந்தாா். அருகிலிருந்தவா்கள் மாரியப்பனை மீட்டு சேலம் அரசு மருத்துவமனையில் சோ்த்தனா். அங்கு அவரை பரிசோதித்த மருத்துவா்கள் வழியிலேயே அவா் இறந்துவிட்டதாக தெரிவித்தனா்.

இந்த விபத்து குறித்து கொண்டலாம்பட்டி போலீஸாா் விசாரணை நடத்தி வருகின்றனா்.