சேலத்தில் புத்தகத் திருவிழா ஏற்பாடுகள்: ஆட்சியா் ஆய்வு

சேலம் புதிய பேருந்து நிலையம் அருகில் உள்ள மாநகராட்சித் திடலில் வரும் 29 ஆம் தேதி முதல் அடுத்த மாதம் 9 ஆம் தேதி வரை புத்தகத் திருவிழா நடைபெறவுள்ளது. இதையொட்டி முன்னேற்பாடு பணிகளை மாவட்ட ஆட்சியா் ரா. பிருந்தாதேவி வியாழக்கிழமை நேரில் ஆய்வு செய்தாா்.

இந்த ஆய்வுக்குப் பின்னா் ஆட்சியா் தெரிவித்ததாவது:

பள்ளி, கல்லூரி மாணவ மாணவிகள், இளைஞா்கள் உள்ளிட்ட அனைத்துத் தரப்பினரிடமும் வாசிப்பு பழக்கத்தை அதிகரிக்கும் வகையிலும், புத்தக வாசிப்பை மக்கள் இயக்கமாக எடுத்துச் செல்லும் நோக்கத்தோடும் மாவட்ட நிா்வாகம் சாா்பில் பல்வேறு நடவடிக்கைகள் எடுக்கப்பட்டு வருகின்றன. அதன் ஒரு பகுதியாக, சேலம் மாவட்டத்தில் வரும் 29 ஆம் தேதி முதல் அடுத்த மாதம் 9 ஆம் தேதி வரை புத்தகத் திருவிழா நடத்தப்படவுள்ளது.

இந்த புத்தகத் திருவிழா நாள்தோறும் காலை 10 மணிக்கு தொடங்கி இரவு 9 மணி வரை நடைபெறவுள்ளது. இதில் தென்னிந்தியா முழுவதிலும் இருந்து பல்வேறு பதிப்பாளா்கள், புத்தக வெளியீட்டாளா்கள் கலந்துகொள்ளும் வகையில் 180 அரங்குகள் அமைக்கப்பட உள்ளன.

இக் கண்காட்சியில் ஒவ்வொரு நாளும் தலைசிறந்த பேச்சாளா்களின் கருத்தரங்கம் உள்ளிட்ட நிகழ்ச்சிகள் நடைபெற ஏற்பாடுகள் செய்யப்பட்டுள்ளன. இப்புத்தகக் கண்காட்சியில் லட்சக்கணக்கான புத்தகங்கள் இடம்பெறுவதோடு, சேலம் மாவட்டத்தைச் சாா்ந்த வரலாறு, பண்பாடு, கலாசாரம் உள்ளிட்ட புத்தகத் தொகுப்புகளும் இடம்பெறவுள்ளன.

மேலும், சேலம் மாவட்டத்தைச் சோ்ந்த உள்ளூா் படைப்பாளா்கள் தங்களது நூல்களை இப்புத்தகத் திருவிழாவில் வெளியிடும் வகையில் சிறப்பு ஏற்பாடுகள் மேற்கொள்ளப்பட்டுள்ளன. அவ்வாறு வெளியிட விரும்பும் உள்ளூா் படைப்பாளா்கள் தங்களது நூல் குறித்த விவரங்களுடன் மாவட்ட நூலக அலுவலா், மாவட்ட நூலக அலுவலகம், சேரராஜன் சாலை, அஸ்தம்பட்டி, சேலம் 636 007 என்ற முகவரியில் தொடா்புகொண்டு பயன்பெறு கேட்டுக்கொண்டுள்ளாா்.

இந்த ஆய்வின்போது, மாநகராட்சி ஆணையா் ரஞ்ஜீத் சிங், மாவட்ட ஊரக வளா்ச்சி முகமை கூடுதல் ஆட்சியா் (வளா்ச்சி) லலித் ஆதித்ய நீலம், மாநகர காவல் துணை ஆணையா் எஸ்.பிருந்தா உள்ளிட்ட தொடா்புடைய அலுவலா்கள் உடனிருந்தனா்.