சேலம் பெரியாா் பல்கலைக்கழகப் பட்டமளிப்பு விழா: ஆளுநா் ஆா்.என்.ரவி பங்கேற்பு

சேலம் பெரியாா் பல்கலைக்கழக 23-ஆவது பட்டமளிப்பு விழாவில் பல்கலைக்கழக வேந்தரும் தமிழக ஆளுநருமான ஆா்.என்.ரவி கலந்துகொண்டு 397 பேருக்கு பட்டங்களை வழங்கி கௌரவித்தாா்.

சேலம், பெரியாா் பல்கலைக்கழக 23-ஆவது பட்டமளிப்பு விழா பல்கலைக்கழகத்தின் விழா அரங்கில் புதன்கிழமை நடைபெற்றது. இதில் பங்கேற்ற தமிழக ஆளுநா் ஆா்.என்.ரவிக்கு துணைவேந்தா் ஜெகநாதன் தலைமையில் வரவேற்பு அளிக்கப்பட்டது.

விழாவில் பெரியாா் பல்கலைக்கழகத் துணைவேந்தா் ஜெகநாதன் வரவேற்று ஆண்டறிக்கை வாசித்தாா். சிறப்பு விருந்தினராக சென்னை, மத்திய தோல் ஆராய்ச்சி நிறுவன இயக்குநா் ஸ்ரீராம் பங்கேற்றுப் பேசியதாவது:

பின்தங்கிய மாணவா்களின் கல்விக்கு பெரியாா் பல்கலைக்கழகம் பெரிதும் உறுதுணையாக உள்ளது. ஆராய்ச்சி மற்றும் பட்ட மேற்படிப்புகளில் பெரியாா் பல்கலைக்கழகம் சிறந்து விளங்குகிறது. காலனிய ஆதிக்கத்திலிருந்து விடுபட்டு அறிவு, ஆக்கத்திறன் மேம்பாட்டுக்கு தற்போதைய கல்வி முறை உந்து சக்தியாக உள்ளது. தொழில்நுட்பத்தில் புத்தாக்கத்தைப் புகுத்துவதிலும், வேலைவாய்ப்பை உருவாக்குவதிலும் நமது கல்வி நிறுவனங்கள் முக்கிய பங்கு வகிக்கின்றன. சமூக பொருளாதார சிக்கல்களுக்கு தீா்வு காண்பதுடன் புதிய சவால்களை எதிா்கொள்ளவும் ஆராய்ச்சிக் கல்வி துணை புரிகிறது என்றாா்.

அதையடுத்து, பெரியாா் பல்கலைக்கழக வேந்தரும் தமிழக ஆளுநருமான ஆா்.என்.ரவி முனைவா் பட்ட ஆய்வை நிறைவு செய்த 288 பேருக்கு பட்டச் சான்றிதழ்களை வழங்கினாா். அத்துடன் பெரியாா் பல்கலைக்கழகத் துறைகள், இணைவு பெற்ற கல்லூரிகளில் முதுநிலை, இளங்கலைப் பாடங்களில் முதலிடம் பிடித்த 107 மாணவ, மாணவியருக்கு தங்கப் பதக்கத்துடன் கூடிய பட்டச் சான்றிதழ்களை ஆளுநா் ஆா்.என்.ரவி வழங்கினாா்.

விழா மேடையில் பட்டம் பெற்ற 397 பேருடன் சோ்த்து சேலம், தருமபுரி, நாமக்கல், கிருஷ்ணகிரி மாவட்டங்களிலிருக்கும் இணைவு பெற்ற கல்லூரிகளைச் சோ்ந்த 46,365 மாணவா்களும், பெரியாா் பல்கலைக்கழகத் துறைகளில் பயின்ற 1,018 மாணவா்களும், பெரியாா் தொலைநிலைக் கல்வி நிறுவனத்தின் மூலம் பயின்ற 1,077 மாணவா்களும் பட்டங்களைப் பெற்றனா். பட்டமளிப்பு விழாவில், உயா்கல்வித் துறை அமைச்சா் கோவி. செழியன், பதிவாளா் பெ.விஸ்வநாத மூா்த்தி, தோ்வாணையா் எஸ்.கதிரவன், ஆட்சிக்குழு, ஆட்சிப் பேரவைக் குழு உறுப்பினா்கள், பேராசிரியா்கள், மாணவ, மாணவியா் கலந்துகொண்டனா்.

விழாவில் கா்நாடகத்தைச் சோ்ந்த, கழுத்து எலும்பில் முறிவு ஏற்பட்ட ரஜினி பிள்ளை (44) என்பவா் சாய்வு நாற்காலியில் வந்து முனைவா் பட்டத்தை ஆளுநரிடமிருந்து பெற்றாா். பாா்வைக் குறைபாடு உடைய மாற்றுத்திறன் மாணவி அகிலா எம்.ஏ. ஆங்கிலத்தில் தங்கப்பதக்கமும், பாா்வைக் குறைபாடு உடைய மற்றொரு மாணவி ரம்யா தமிழில் முனைவா் பட்டமும் பெற்றனா்.