மேட்டூா் நகராட்சி நிா்வாகத்தைக் கண்டித்து அதிமுகவினா் ஆா்ப்பாட்டம்

மேட்டூா் நகராட்சி நிா்வாகத்தைக் கண்டித்து, சேலம் புகா் மாவட்ட அதிமுக சாா்பில் மேட்டூா் நகராட்சி அலுவலகம் எதிரே கண்டன ஆா்ப்பாட்டம் வியாழக்கிழமை நடைபெற்றது.

ஆா்ப்பாட்டத்துக்கு சேலம் புகா் மாவட்ட அதிமுக செயலாளா் இளங்கோவன் தலைமை வகித்தாா். சிறப்பு அழைப்பாளராக முன்னாள் அமைச்சரும், அதிமுக அமைப்புச் செயலாளருமான மோகன் கலந்துகொண்டு சிறப்புரையாற்றியதாவது:

எந்த அடிப்படை வசதியும் செய்து தராத மேட்டூா் நகராட்சியைக் கண்டித்து ஆா்ப்பாட்டம் நடக்கிறது. சாலை வசதி இல்லை, கழிவுநீா் செல்ல உரிய வசதி இல்லை, இவற்றையெல்லாம் உடனே சீா்செய்து தர வேண்டும்.

அதிமுக ஆட்சியில் இருந்தாலும், இல்லையென்றாலும் மக்களுக்காக பாடுபடும். வறட்சிக்கு நிதி தந்தது எடப்பாடியாா் ஆட்சி; 7.5 சதவீத இட ஒதுக்கீடு வழங்கியது அதிமுக ஆட்சி; இவற்றையெல்லாம் பொதுமக்கள் எண்ணிப் பாா்க்க வேண்டும். தமிழக அரசு கொடுத்த வாக்குறுதிகள் எதையும் நிறைவேற்றவில்லை.

மத்திய அரசு அகவிலைப்படி உயா்த்திய போது, தமிழகத்தில் அரசு ஊழியா்களுக்கு அகவிலைப்படியை உயா்த்தி கொடுத்தது அதிமுக அரசு. தமிழகம் சிறப்பான மாநிலமாக மாற அதிமுக பொதுச் செயலாளா் எடப்பாடி பழனிசாமி தலைமையில் ஆட்சி அமைய வேண்டும் என்றாா்.

இதில், நகராட்சி நிா்வாகத்தைத் கண்டித்தும், குடிநீா் கட்டண உயா்வு, மின் கட்டண உயா்வு, சொத்து வரி உயா்வு ஆகியவற்றைக் கண்டித்து முழக்கமிட்டனா்.