மின்னணு வாக்குப்பதிவு இயந்திரங்களில் வேட்பாளா்களின் சின்னம் பொருத்தும் பணி

சேலம் மாவட்டத்தில் உள்ள 11 சட்டப் பேரவைத் தொகுதிகளுக்கான மின்னணு வாக்குப்பதிவு இயந்திரங்களில், வேட்பாளா்களின் சின்னம் பொருத்தும் பணி நடைபெற்று வருவதை மாவட்ட தோ்தல் அலுவலரும், ஆட்சியருமான அ.அருண் தம்புராஜ் வியாழக்கிழமை நேரில் பாா்வையிட்டு ஆய்வுசெய்தாா்.

பின்னா் அவா் தெரிவித்ததாவது:

சேலம் மாவட்டத்தில் உள்ள 11 சட்டப் பேரவைத் தொகுதிகளில் மொத்தம் 193 வேட்பாளா்கள் போட்டியிடுகின்றனா். அதன் தொடா்ச்சியாக, மின்னணு வாக்குப்பதிவு இயந்திரங்களில் சின்னம் பொருத்தும் பணி அந்தந்த சட்டப் பேரவைத் தொகுதிகளுக்கான வாக்குப்பதிவு இயந்திரங்கள் இருப்பறையில் நடைபெற்று வருகிறது.

அதன்படி, கெங்கவல்லி தொகுதிக்கு கெங்கவல்லி வட்டாட்சியா் அலுவலகத்திலும், ஆத்தூா் தொகுதிக்கு ஆத்தூா் அரசு ஆண்கள் மேல்நிலைப் பள்ளியிலும், ஏற்காடு தொகுதிக்கு வாழப்பாடி, சேலம் பொறியியல் மற்றும் தொழில்நுட்பக் கல்லூரியிலும், ஓமலூா் தொகுதிக்கு காடையாம்பட்டி வட்டம், எ.வி.எஸ். கலை, அறிவியல் கல்லூரியிலும், மேட்டூா் தொகுதிக்கு மேட்டூா் செயின்ட் மேரிஸ் மேல்நிலைப் பள்ளியிலும், எடப்பாடி தொகுதிக்கு எடப்பாடி கலை, அறிவியல் கல்லூரியிலும், சங்ககிரி தொகுதிக்கு சங்ககிரி அரசு ஆண்கள் மேல்நிலைப் பள்ளியிலும், சேலம் மேற்கு தொகுதிக்கு சேலம், சூரமங்கலம் தியாகராஜா் பாலிடெக்னிக் கல்லூரியிலும், சேலம் வடக்கு தொகுதிக்கு சேலம் அரசு கலை, அறிவியல் கல்லூரியிலும், சேலம் தெற்கு தொகுதிக்கு கொண்டலாம்பட்டி மாநகராட்சி மண்டல அலுவலகத்திலும், வீரபாண்டி தொகுதிக்கு கொண்டலாம்பட்டி சௌடேஸ்வரி கல்லூரியிலும் மின்னணு வாக்குப்பதிவு இயந்திரங்களில் சின்னம் பொருத்தும் பணி நடைபெறுகிறது.

இது தொடா்பாக, ஆத்தூா் அரசு ஆண்கள் மேல்நிலைப் பள்ளி, வாழப்பாடி சேலம் பொறியியல் மற்றும் தொழில்நுட்பக் கல்லூரி, சேலம் மாநகராட்சி கொண்டலாம்பட்டி மண்டல அலுவலகத்திலும் வேட்பாளா்களுக்கு சின்னம் பொருத்தும் பணி நடைபெற்று வருவது குறித்து ஆய்வு மேற்கொள்ளப்பட்டது.

வேட்பாளா்களின் பெயா் மற்றும் சின்னம் பொருத்தும் பணிகள் நிறைவடைந்த பின்னா் மின்னணு வாக்குப்பதிவு இயந்திரங்கள் 24 மணிநேரமும் துப்பாக்கி ஏந்திய போலீஸ் பாதுகாப்புடன் சிசிடிவி கேமரா பொறுத்தப்பட்டுள்ள வாக்குப்பதிவு இயந்திர இருப்பறையில் வைத்து பூட்டி ‘சீல்’ வைக்கப்படும். வாக்குப்பதிவின்போது தொடா்புடைய வாக்குச்சாவடி மையங்களுக்கு மின்னணு வாக்குப்பதிவு இயந்திரங்கள் எடுத்துச் செல்லப்படும் என்றாா்.

இந்த ஆய்வின்போது, சேலம் தெற்கு தொகுதி தோ்தல் நடத்தும் அலுவலரும், மாநகராட்சி ஆணையருமான மா.இளங்கோவன், ஏற்காடு தொகுதி தோ்தல் நடத்தும் அலுவலா் வி.ராஜசேகரன், ஆத்தூா் தொகுதி தோ்தல் நடத்தும் அலுவலா் ஆா்.தமிழ்மணி உள்ளிட்டோா் உடன் இருந்தனா்.