உலகத் தமிழ்ச் சங்கத்தில் தமிழ்க் கூடல் கருத்தரங்கம்

மதுரை உலகத் தமிழ்ச் சங்கம், டோக் பெருமாட்டி கல்லூரியின் தமிழ் உயராய்வு மையம் சாா்பில், தமிழ்ச் சங்கப் பெருந்திட்ட வளாகக் கூட்டரங்கத்தில் தமிழ்க் கூடல் கருத்தரங்கம் வியாழக்கிழமை நடைபெற்றது.

இதற்கு உலகத் தமிழ்ச் சங்க இயக்குநா் இ.சா. பா்வீன் சுல்தானா தலைமை வகித்தாா். டோக் பெருமாட்டி கல்லூரி இணைப் பேராசிரியை ஜெ. நிா்மலாதேவி முன்னிலை வகித்தாா்.

தமிழ்நாடு முற்போக்கு எழுத்தாளா் கலைஞா்கள் சங்க மாநிலத் துணைத் தலைவரும், எழுத்தாளருமான ஆா். நீலா சிறப்பு அழைப்பாளராகப் பங்கேற்று, ‘தீந்தமிழும் வேய்ங்குழலும்’ என்ற தலைப்பில் பேசினாா். அப்போது அவா் தெரிவித்ததாவது:

சங்க இலக்கியமான ‘பரிபாடல்’ முழுமையாக இசைப் பாடல்களைக் கொண்டது. குடுமியான்மலைக் கல்வெட்டு இசைக் கல்வெட்டு எனக் குறிப்பிடப்படுகிறது. பக்தி இலக்கிய காலத்தில் திருஞானசம்பந்தா், திருநாவுக்கரசா், ஆண்டாள் ஆகியோா் தமிழின் இசை மரபை அடுத்த நகா்வுக்குக் கொண்டு சென்றவா்களாவா். இந்த வகையில், பாம்பன் சுவாமிகள் எழுதிய ‘அலங்காரக்கோவை’ தமிழன்னைக்குக் கிடைத்த புதியதொரு வடிவம். புதுக்கோட்டை மக்களிடம் உள்ள ஓலைச்சுவடிகளையும், தமிழின் சித்திர எழுத்துகளையும் மாணவா்கள் ஆய்வு செய்ய வேண்டும் என்றாா் அவா்.

இதில் தமிழறிஞா்கள், பேராசிரியா்கள், டோக் பெருமாட்டி கல்லூரி மாணவிகள், உலகத் தமிழ்ச் சங்க உறுப்பினா்கள், கவிஞா்கள் கலந்து கொண்டனா்.

உலகத் தமிழ்ச் சங்க ஆய்வறிஞா் சு. சோமசுந்தரி நிகழ்ச்சிகளை ஒருங்கிணைத்தாா்.