கொடைக்கானலில் ஞாயிற்றுக்கிழமை வாத்து பிடிக்கும் இறுதிப் போட்டி நடைபெற்றது. இதில், வீரர்கள் யாரும் வாத்தை பிடிக்காததால் போட்டியில் வாத்து வெற்றி பெற்றது.
   கொடைக்கானல் போட் மற்றும் ரோயிங் கிளப் சார்பில், ஏரியில் வாத்து பிடிக்கும் போட்டி நடைபெற்றது. இப் போட்டியில், 8 படகுகளில் 30-க்கும் மேற்பட்ட வீரர்கள் பங்கேற்றனர். 15 நிமிடம் நடைபெற்ற இப் போட்டியில், வீரர்கள் யாரும் வாத்தை பிடிக்காததால், வாத்து வெற்றி பெற்றதாக நடுவர்கள் அறிவித்தனர்.  இந்த வாத்து பிடிக்கும் போட்டியை ஏராளமான சுற்றுலாப் பயணிகள் பார்த்து ரசித்தனர். இப்போட்டி காரணமாக, கொடைக்கானல் ஏரியில் சுற்றுலாப் பயணிகளுக்கான படகு சவாரி பல மணி நேரம் நிறுத்தப்பட்டது.