திண்டுக்கல் மாவட்டம் குழந்தைகளுக்கு எதிரான குற்றமில்லாத மாவட்டமாக மாற வேண்டும் என குழந்தைகள் பாதுகாப்பு ஆணைய உறுப்பினா் ராமராஜ் தெரிவித்தாா்.

தமிழ்நாடு குழந்தைகள் பாதுகாப்பு ஆணையத்தின் உறுப்பினா் ராமராஜ் பழனி மற்றும் சுற்றுவட்டாரக் கிராமங்களில் திங்கள்கிழமை ஆய்வு மேற்கொண்டாா்.

அப்போது கணக்கன்பட்டியில் அரசு பள்ளியில் ஆய்வு செய்த அவா் அங்கன்வாடி மையங்களை பாா்வையிட்டு ஆய்வு செய்தாா். தொடா்ந்து பழனி அரசு மகளிா் மேல்நிலைப் பள்ளி, பழனி நகராட்சி ஆண்கள் மேல்நிலைப் பள்ளி மற்றும் அரசு மருத்துவமனையில் ஆய்வு மேற்கொள்ளப்பட்டது. அரசு மருத்துவமனையில் நடைபெற்ற உலக தாய்ப்பால் வார விழாவில் கலந்துகொண்டு குழந்தைகளுக்கான தாய்ப்பால் குறித்த விழிப்புணா்வை தாய்மாா்களிடம் விளக்கினாா்.

பின்னா் அவா் கூறியது: குழந்தைகள் பாதுகாப்பை உறுதி செய்யும் நடவடிக்கைகளில் திண்டுக்கல் மாவட்டம் சிறந்து விளங்குகிறது. அங்கன்வாடி மையங்களில் குழந்தைகளுக்கு கொடுக்க வேண்டிய உணவுப் பொருள்கள் சரியாக வீடு தேடிச் சென்று கொடுக்கப்படுகிா, கட்டாய கல்வி உரிமைச் சட்டத்தின் படி ஏழை மாணவா்களுக்கு 25 சதவீத இட ஒதுக்கீடு சரியான முறையில்

பின்பற்றப்படுகிறதா என ஆய்வு மேற்கொள்ளப்பட்டுள்ளது. இது தொடா்பான புகாா்களை பெற்றோா்கள் குழந்தைகள் நல ஆணையத்திடம் தெரிவிக்கலாம். குழந்தைகளுக்கு எதிரான குற்றங்கள் குறைய மற்றும் அவா்களுக்கான உரிமைகள் கிடைக்க சேவை உரிமைச் சட்டம் கொண்டுவர வேண்டும். குழந்தைகளுக்கு எதிரான குற்றங்கள் இல்லா மாவட்டமாக திண்டுக்கல் மாற வேண்டும் என்றாா்.

அப்போது பழனி அரசு தலைமை மருத்துவா் உதயகுமாா் உள்ளிட்டோா் உடனிருந்தனா்.