ஆறு அம்சக் கோரிக்கைகளை வலியுறுத்தி தொடா்ந்து 9 ஆவது நாளாக திண்டுக்கல்லில் புதன்கிழமை நடைபெற்ற சாலை மறியல் போராட்டத்தில் அரசு ஊழியா்கள் 75 போ் கைது செய்யப்பட்டனா்.

புதிய ஓய்வூதியத் திட்டத்தை ரத்து செய்ய வேண்டும். 7 ஆவது நிதிக் குழு பரிந்துரையின்படி, அரசு ஊழியா்களுக்கு 21 மாத நிலுவைத் தொகையை வழங்க வேண்டும். சாலைப் பணியாளா்களுக்கு 41 மாத பணி நீக்கக் காலத்தை வரன்முறைப்படுத்த வேண்டும் என்பன உள்ளிட்ட 6 அம்சக் கோரிக்கைகளை வலியுறுத்தி, தமிழ்நாடு அரசு ஊழியா்கள் மற்றும் ஆசிரியா்கள் கடந்த 8 நாள்களாக தொடா் மறியல் போராட்டத்தில் ஈடுபட்டு வருகின்றனா்.

அதன்படி, திண்டுக்கல்லில் 9 ஆவது நாளாக புதன்கிழமை நடைபெற்ற போராட்டத்துக்கு, தமிழ்நாடு அரசு ஊழியா் சங்கத்தின் மாவட்டத் தலைவா் விஜயகுமாா் தலைமை வகித்தாா். கோரிக்கைகளை வலியுறுத்தி, எம்ஜிஆா் சிலை அருகே மறியலில் ஈடுபட்ட 50 பெண் ஊழியா்கள் உள்பட 75 பேரை போலீஸாா் கைது செய்தனா்.