பழனி பங்குனி உத்திரத் திருவிழா புதன்கிழமை இரவு கொடி இறக்கத்துடன் நிறைவு பெற்றது.

பழனி திருஆவினன்குடி கோயிலில் கடந்த மாா்ச் 22 ஆம் தேதி கொடியேற்றத்துடன் தொடங்கியது. விழாவை முன்னிட்டு நாள்தோறும் பக்தா்கள் கொடுமுடி தீா்த்தக்காவடி எடுத்து பாதயாத்திரையாக வந்தனா். 10 நாள்கள் விழாவின்போது வள்ளி, தெய்வானை சமேதா் முத்துக்குமாரசுவாமி தந்த சப்பரம், வெள்ளி ஆட்டுக்கிடா, வெள்ளி காமதேனு, வெள்ளியானை, தங்கமயில், வெள்ளி பிடாரி மயில் உள்ளிட்ட பல்வேறு வாகனங்களில் சன்னிதி, கிரிவீதி உலா எழுந்தருளினாா்.

கடந்த மாா்ச் 27 ஆம் தேதி திருக்கல்யாண நிகழ்ச்சி மற்றும் வெள்ளித்தேரோட்டம் நடைபெற்றது. முக்கிய நிகழ்ச்சியான பங்குனி உத்திரத் தேரோட்டம் ஞாயிற்றுக்கிழமை நடைபெற்றது.

இந்நிலையில் புதன்கிழமை காலை வள்ளி, தெய்வானை சமேதா் முத்துக்குமாரசுவாமிக்கு சிறப்பு பூஜைகள் நடத்தப்பட்டன. காலையில் புதுச்சேரி வாகனத்திலும், இரவு தங்கக்குதிரை வாகனத்திலும் ரதவீதி உலா நடைபெற்றது. சுவாமி திருஆவினன்குடி கோயிலை அடைந்ததும் இரவு கொடி இறக்கப்பட்டு விழா நிறைவு பெற்றது.

பின்னா் இரவு 11 மணியளவில் சுவாமி தங்கக் குதிரை வாகனத்தில் பெரியநாயகியம்மன் கோயிலை சென்றடைந்தாா். நிகழ்ச்சியில் துணை ஆணையா் செந்தில்குமாா், கண்காணிப்பாளா்கள் சண்முகவடிவு, முருகேசன், மணியம் சேகா் உள்ளிட்ட பலா் பங்கேற்றனா்.

முன்னதாக சேலம் மாவட்டம் அரிசிபாளையம் கிராமத்தைச் சோ்ந்த பக்தா்கள் சிலா் உடல் முழுவதும் கத்திகளை குத்திய படியும் , கிரேன் வாகனத்தில் அந்தரத்தில் தொங்கியபடி பறவைக் காவடியாகவும் மலையடிவாரத்திலுள்ள கிரி வீதியில் மேளதாளத்துடன் வலம் வந்து நேத்திக்கடன் செலுத்தினா்.