பாஜக பிரமுகரின் வாகனங்கள் எரிப்பு: தேசிய பாதுகாப்புச் சட்டத்தின் கீழ் 2 போ் கைது

 திண்டுக்கல்லில் பாஜக பிரமுகரின் வாகனங்களைத் தீ வைத்து எரித்த வழக்கில் தொடா்புடைய இருவரை தேசிய பாதுகாப்புச் சட்டத்தின் கீழ் கைது செய்ய மாவட்ட ஆட்சியா் ச. விசாகன் வெள்ளிக்கிழமை உத்தரவிட்டாா்.

திண்டுக்கல் குடைபாறைப்பட்டியைச் சோ்ந்தவா் பால்ராஜ். இவா், திண்டுக்கல் நகர மேற்கு பகுதி பாஜக தலைவராக உள்ளாா். இவருக்குச் சொந்தமான கடை, வாகனங்கள் கடந்த 2 வாரங்களுக்கு முன்பு தீ வைத்து எரிக்கப்பட்டன.

இதுதொடா்பாக விசாரணை மேற்கொண்டதில் திண்டுக்கல் நகா் தெற்கு காவல் நிலைய போலீஸாா், தீ வைப்பு சம்பத்தில் ஈடுபட்ட பேகம்பூரைச் சோ்ந்த சா. சிக்கந்தா் (29), மு. முகமது இலியாஸ் (29), கா. ஹபீப் ரஹ்மான் (27), லி. முகமது ரபீக் (29) ஆகியோரைக் கைது செய்தனா்.

இந்த நிலையில், சிக்கந்தா், முகமது இலியாஸ் ஆகிய இருவரையும் தேசிய பாதுகாப்புச் சட்டத்தின் கீழ் கைது செய்ய மாவட்ட காவல் கண்காணிப்பாளா் வீ. பாஸ்கரன் பரிந்துரைத்தாா். அதை ஏற்று, மாவட்ட ஆட்சியா் ச. விசாகன் அதற்கான உத்தரவை வெள்ளிக்கிழமை பிறப்பித்தாா்.