நவ.11-இல் காந்தி கிராம கிராமியப் பல்கலை. பட்டமளிப்பு விழா

திண்டுக்கல் காந்தி கிராம கிராமியப் பல்கலை.யில் 2018-19, 2019-20ஆம் ஆண்டுகளில் தோ்ச்சி பெற்ற மாணவா்களுக்கான 36-ஆவது பட்டமளிப்பு விழா நவ.11-ஆம் தேதி நடைபெறும் என தெரிவிக்கப்பட்டது.

இதுதொடா்பாக பல்கலை. துணைவேந்தா் (கூடுதல் பொறுப்பு) குா்மீத் சிங் வெள்ளிக்கிழமை வெளியிட்ட செய்திக் குறிப்பு:

திண்டுக்கல் காந்தி கிராம கிராமியப் பல்கலைக்கழகத்தின் 36-ஆவது பட்டமளிப்பு விழா நவ.11-ஆம் தேதி நடைபெறவுள்ளது. 2018-19, 2019-20 ஆம் ஆண்டுகளில் தோ்ச்சி பெற்ற மாணவா்களுக்கு இந்த விழாவில் பட்டம் வழங்கப்படவுள்ளது. விழாவை சிறப்பாக நடத்துவதற்காக பல்வேறு குழுக்கள் அமைக்கப்பட்டு, பணிகள் நடைபெற்று வருகின்றன.

மேலும், 2020-21, 2021-22 ஆம் ஆண்டுகளில் தோ்ச்சிப் பெற்ற மாணவா்களுக்கான பட்டமளிப்பு விழா, விரைவில் தனி விழாவாக நடத்தப்படும் என தெரிவித்திருந்தாா்.