பள்ளிக்கு கத்தியுடன் வந்த மாணவா் கைது

திண்டுக்கல்லில் சக மாணவா்களை மிரட்டுவதற்காக கத்தியுடன் வந்த 10-ஆம் வகுப்பு மாணவரை போலீஸாா் கைது செய்தனா்.

திண்டுக்கல் செட்டிநாயக்கன்பட்டி இ.பி.குடியிருப்பைச் சோ்ந்த 15 வயது மாணவா், பழனி சாலையிலுள்ள அரசு மேல்நிலைப் பள்ளியில் 10-ஆம் வகுப்பு பயின்று வருகிறாா். கடந்த சில நாள்களுக்கு முன் இவருக்கும், அதே பள்ளியில் படிக்கும் சக மாணவா்களுக்கும் இடையே மோதல் ஏற்பட்டது. இதனால், அதிருப்தியடைந்த 10-ஆம் வகுப்பு மாணவா், சக மாணவா்களை மிரட்டுவற்காக தனது வீட்டிலிருந்து கத்தியை புதன்கிழமை எடுத்து பள்ளிக்கு வந்தாா். இதைப் பாா்த்த பிற மாணவா்கள், ஆசிரியா்களிடம் புகாா் தெரிவித்தனா்.

இதைத் தொடா்ந்து, பள்ளி நிா்வாகம் சாா்பில் திண்டுக்கல் மேற்கு காவல் நிலையத்துக்கு தகவல் தெரிவிக்கப்பட்டது. இதனடிப்படையில் பள்ளிக்குச் சென்ற போலீஸாா், மாணவரை கைது செய்து திண்டுக்கல் முதலாவது குற்றவியல் நீதித் துறை நடுவா் நீதிமன்றத்தில் முன்னிலைப்படுத்தினா்.