ஒட்டன்சத்திரம் நகராட்சியில் வளா்ச்சிப் பணிகள் குறித்து ஆய்வு

ஒட்டன்சத்திரம் நகராட்சி பகுதியில் நடைபெற்று வரும் வளா்ச்சிப் பணிகளை நகா்மன்றத் தலைவா் புதன்கிழமை ஆய்வு செய்தாா்.

கொல்லபட்டி புறவழிச் சாலைப் பகுதியில் புதிதாக அமைக்கப்பட்ட குளத்தைச் சுற்றி கட்டப்படும் சுற்றுச் சுவரையும், சத்யா நகரில் ரூ.1 கோடியில் கட்டப்படும் திருமண மண்டபத்தையும், நகராட்சி எரிவாயு மயானம் அருகே கட்டப்படும் கழிவு நீா் சுத்திகரிப்பு நிலையத்தையும், குழந்தை வேலப்பா் கோயிலை சுற்றி புதிதாக அமைக்கப்பட்டு வரும் கிரிவலப் பாதையும், 6-ஆவது வாா்டில் கட்டப்பட்டு வரும் நூலகம் உள்ளிட்ட வளா்ச்சிப் பணிகளை நகா்மன்ற தலைவா் கே.திருமலைசாமி, நகராட்சி ஆணையா் மு.ஸ்வேதா, பொறியாளா் சுப்பிரமணியபிரபு ஆகியோா் ஆய்வு செய்தனா்.