மதுரை மக்களவைத் தொகுதி அதிமுக வேட்பாளருக்கு ஆதரவாக செளராஷ்டிர முன்னேற்றக் கழகத்தினர் செவ்வாய்க்கிழமை வாக்குச் சேகரித்தனர்.
மதுரை தெற்கு சட்டப்பேரவை உறுப்பினர் எஸ்.எஸ்.சரவணன் தலைமையில் சௌராஷ்டிர முன்னேற்றக் கழக தலைவர் வி.ஜி.ராம்தாஸ், முன்னாள் எம்பி ஏ.ஜி.எஸ்.ராம்பாபு, முன்னாள் சட்டப்பேரவை உறுப்பினர் ஓ.எஸ்.அமர்நாத், செளராஷ்டிர கிளப் செயலர் வெங்கடேஸ்வரன் உள்ளிட்டோர் கீழவாசல் அரசமரம் பிள்ளையார் கோயில் பகுதியில் தொடங்கி சௌராஷ்டிரா பள்ளி, மாரியம்மன் தெப்பக்குளம், தெற்கு பெருமாள் மேஸ்திரி வீதி, தெற்கு மாரட் வீதி, தெற்கு கிருஷ்ணன் கோயில் வீதி, தெற்குமாசி வீதி, சிந்தாமணி, அண்ணா நகர், வண்டியூர், சக்கிமங்கலம் உள்ளிட்ட பகுதியில் வீடு வீடாகச் சென்று வாக்குச் சேகரித்தனர். 
அண்ணா நகர், வண்டியூர் பகுதிகளில் வாக்குச் சேகரிக்கும்போது மதுரை மக்களவைத் தொகுதி அதிமுக வேட்பாளர் வி.வி.ஆர்.ராஜ்சத்யனும் கலந்து கொண்டார்.