மதுரையின் பல்வேறு பகுதிகளில் தனிநபராக நடைப்பயணத்தில் வாக்காளா் விழிப்புணா்வுப் பிரசாரம் செய்து வருகிறாா் கோவையைச் சோ்ந்த ராஜா சேதுமுரளி.

கோவை குனியமுத்தூரைச் சோ்ந்த தன்னாா்வலரான ராஜா சேதுமுரளி, பொதுமக்களுக்கு விழிப்புணா்வு ஏற்படுத்தும் வகையில் தனிநபராக பல்வேறு நிகழ்வுகளை நடத்தி வருகிறாா். இதன் ஒரு பகுதியாக நூறு சதவீத வாக்குப்பதிவை வலியுறுத்தி நகரம் மற்றும் கிராமப் பகுதிகளில் நடைப்பயணமாகச் சென்று வாக்காளா்களிடம் விழிப்புணா்வு துண்டுப் பிரசுரம் விநியோகம் செய்து வருகிறாா்.

கோவை நகரம் மற்றும் சுற்றுவட்டாரப் பகுதிகளைத் தொடா்ந்து, மதுரையில் பல்வேறு இடங்களில் வியாழக்கிழமை விழிப்புணா்வு நடைப்பயணம் மேற்கொண்டாா். இதைத் தொடா்ந்து உடுமலைப்பேட்டை, பொள்ளாச்சி உள்ளிட்ட நகரங்களில் பயணம் செய்து ஏப்ரல் 4-ஆம் தேதி நிறைவு செய்ய உள்ளதாகத் தெரிவித்தாா். நடைப்பயணத்தின்போது ஒவ்வொரு பகுதியிலும் நூற்றுக்கணக்கான மக்களிடம் துண்டுப் பிரசுரங்களை வழங்கி வருகிறேன். வாக்களிப்பது குறித்து பொதுமக்களிடம் நல்ல விழிப்புணா்வு ஏற்பட்டிருப்பதைக் காண முடிகிறது என்றும் அவா் கூறினாா்.