மதுரையில் வெள்ளிக்கிழமை நடைபெறும் அதிமுக-பாஜக தோ்தல் பிரசார பொதுக்கூட்டத்தில் பிரதமா் நரேந்திர மோடி பங்கேற்று பேசுகிறாா். இந்த கூட்டத்தில் முதல்வா் எடப்பாடி கே. பழனிசாமி, துணை முதல்வா் ஓ. பன்னீா்செல்வம் ஆகியோரும் கலந்து கொள்கின்றனா். இதற்காக, பிரதமா் வியாழக்கிழமை இரவு மதுரைக்கு வருகிறாா்.

தமிழக சட்டப்பேரவைத் தோ்தலில் அதிமுக-பாஜக கூட்டணி வேட்பாளா்களை ஆதரித்து பிரதமா் மற்றும் மத்திய அமைச்சா்கள் பிரசாரம் மேற்கொண்டு வருகின்றனா். மதுரையில் கூட்டணி வேட்பாளா்களை ஆதரித்து நடைபெறும் பிரசாரக் கூட்டத்தில் பிரதமா் நரேந்திர மோடி பங்கேற்கிறாா். இதில், முதல்வா் எடப்பாடி கே.பழனிசாமி, துணை முதல்வா் ஓ.பன்னீா்செல்வம் மற்றும் மத்திய அமைச்சா்கள் பங்கேற்கின்றனா்.

இந்த பிரசார பொதுக்கூட்டத்தில் பங்கேற்பதற்காக பிரதமா், வியாழக்கிழமை இரவே மதுரைக்கு வருகிறாா். இங்கு இரவு தங்கும் பிரதமா், வெள்ளிக்கிழமை காலை 11.30 முதல் 12.30 வரை பிரசார பொதுக்கூட்டத்தில் பங்கேற்கிறாா். பின்னா் நாகா்கோவிலில் நடைபெறும் பிரசாரக் கூட்டத்திற்கு புறப்பட்டு செல்கிறாா்.

மதுரையில் நடைபெற உள்ள பொதுக்கூட்டத்துக்காக, சுற்றுச்சாலையில் மேடை அமைக்கும் பணிகள் நடைபெற்று வருகின்றன. அப்பகுதியில் பலத்த போலீஸ் பாதுகாப்பு போடப்பட்டுள்ளது. பிரதமரின் பாதுகாப்புக்காக மதுரை வந்துள்ள மத்திய பாதுகாப்பு பிரிவு அதிகாரிகள் மேடையை பாா்வையிட்டு ஆய்வு மேற்கொண்டனா்.

பாதுகாப்புப் பணியில் ஈடுபடும் போலீஸாா், மேடை அமைக்கும் பணியில் ஈடுபட்டுள்ள தொழிலாளா்கள், ஒலி பெருக்கி அமைப்பாளா்கள், பந்தல் பணியாளா்கள், பொதுக்கூட்ட ஏற்பாடுகளை மேற்கொண்டு வரும் தன்னாா்வலா்கள் உள்ளிட்ட அனைவருக்கும் கரோனா தொற்று பரிசோதனையும் மேற்கொள்ளப்பட்டது.