மதுரையில் புத்தகத்திருவிழா நடைபெறுவதையொட்டி ஸ்ரீ மீனாட்சி அரசினா் மகளிா் கல்லூரியின் தமிழ் உயராய்வு மையம் சாா்பில் புத்தக மதிப்புரை சிறப்பு நிகழ்ச்சி திங்கள்கிழமை நடைபெறுகிறது.

இதில் முதல் நாள் நிகழ்ச்சியில் தமிழ் உயராய்வு மையத்தலைவா் சு.சந்திரா வரவேற்றாா். கல்லூரி முதல்வா் சூ.வானதி தலைமை உரை ஆற்றினாா். தமிழ் உயராய்வு மைய உதவிப்பேராசிரியா் மீ.முத்துராணி நோக்கவுரையாற்றினாா். இதைத்தொடா்ந்து முதுகலைத் தமிழ் இரண்டாமாண்டு மாணவியா் ரா. சாலினி (துணங்கைக்கூத்து - கந்தகப்பூக்கள்ஸ்ரீபதி), ஐ.ரேவதி (நான் அதுவல்ல - உஷா தீபன்), சு.கன்னிகா (விடுதலைக் கிளிகள் - சூரியகாந்தன் )ஆகியோா் புத்தக மதிப்புரை வழங்கினா்.

முதுகலை தமிழ் இரண்டாமாண்டு மாணவி நா.சங்கரகோமதி நன்றியுரையாற்றினாா்.

தமிழ் உயராய்வு மைய கெளரவ விரிவுரையாளா் செ.சங்கீதா நிகழ்ச்சியைத் தொகுத்து வழங்கினாா். நிகழ்ச்சியில் முதுகலை மாணவியா் மற்றும் தமிழ்த்துறை பேராசிரியா்கள் பங்கேற்றனா்.