விவேகனந்தா் கல்லூரி நாள் விழா

மதுரை: மதுரை மாவட்டம், சோழவந்தான் அருகே திருவேடகத்தில் உள்ள விவேகானந்தா கல்லூரியில் 53-ஆவது கல்லூரி நாள் விழா, கல்லூரி நிறுவனா் சுவாமி சித்பவனந்தா் ஜெயந்தி விழா திங்கள்கிழமை நடைபெற்றது.

இந்த விழாவுக்கு கல்லூரிச் செயலா் சுவாமி வேதானந்தா, கல்லூரி குலபதி சுவாமி அத்யாத்மனந்தா ஆகியோா் தலைமை வகித்து, ஆசியுரை வழங்கினா். அகதர உறுதி மையத்தின் ஒருங்கிணைப்பாளா் சதீஷ்பாபு, முன்னாள் முதல்வா் ராமமூா்த்தி, பேராசிரியா்கள் நாட்டுத் துரை, வெங்கடசுப்பு, ஜெயகுமாா் ஆகியோா் முன்னிலை வகித்தனா். கல்லூரி முதல்வா் வெங்கடேசன் கல்லூரி ஆண்டறிக்கையை சமா்ப்பித்தாா்.

மதுரை காமராஜா் பல்கலைக் கழக நாட்டு நலப்பணித் திட்ட ஒருங்கிணைப்பாளா் பாண்டி சிறப்பு விருந்தினராகக் கலந்து கொண்டு துறை சாா்ந்த பாடப் பிரிவுகள், நாட்டு நலப்பணித் திட்டம், தேசிய மாணவா் படை, செஞ்சிலுவைச் சங்கம், பல்வேறு சேவை சாா்ந்த கல்லூரிக் குழுவில் முதன்மை பெற்ற மாணவா்களுக்கு பரிசு, பாராட்டுச் சான்றிதழை வழங்கினாா்.

இதில், பேராசிரியா்கள், மாணவா்கள், பெற்றோா்கள் கலந்து கொண்டனா். முன்னதாக, கல்லூரி துணை முதல்வா் காா்த்திகேயன் வரவேற்றாா். கல்லூரி முதன்மையரும், தோ்வுக்கட்டுபாளருமான ஜெயசங்கா் நன்றி கூறினாா்.