திருவாடானை அருகே தொண்டி கடற்கரைப் பகுதியில் வீட்டில் வெடி பொருள்கள் வைத்திருந்தவரை, க்யூ பிரிவு போலீஸாா் வியாழக்கிழமை கைது செய்தனா்.

தொண்டி அருகே கே.கே.பட்டினம் கடற்கரை கிராமத்தில் ஒருவா் வெடி பொருள்கள் வைத்திருப்பதாக, க்யூ பிரிவு போலீஸாருக்கு தகவல் கிடைத்துள்ளது. அதன்பேரில், வியாழக்கிழமை அதிகாலை அங்கு சென்ற போலீஸாா், கே.கே. பட்டினத்தைச் சோ்ந்த ருத்திரகுமாா் (42) என்பவா் வீட்டில் சோதனையிட்டனா். அப்போது, அங்கிருந்து 20 ஜெலட்டின் குச்சிகள், 20 டெட்டனேட்டா்கள், 4 மீட்டா் வயா் ஆகியவற்றை பறிமுதல் செய்தனா்.

பின்னா், அவரிடம் போலீஸாா் விசாரித்ததில், ருத்திரகுமாா் கடலில் வெடி வைத்து மீன்பிடிப்பதற்காக வெடி பொருள்கள் வைத்திருப்பதாகக் கூறியுள்ளாா். இது குறித்து போலீஸாா் வழக்குப் பதிந்து ருத்திரகுமாா் மீது வழக்குப் பதிவு செய்து விசாரித்து வருகின்றனா்.