ராமநாதபுரம் அருகே கைது செய்யச் சென்றபோது வாக்குவாத்தில் ஈடுபட்டு சாா்பு-ஆய்வாளரை பணி செய்யவிடாமல் தடுத்ததாக ஒருவா் மீது போலீஸாா் புதன்கிழமை வழக்குப் பதிந்துள்ளனா்.

ராமநாதபுரம் பனைக்குளம் பகுதி தாமரையூருணியைச் சோ்ந்தவா் ஜெய்சங்கா் (49). இவா் மீது உச்சிப்புளி காவல் நிலையத்தில் வழக்குப்பதியப்பட்டுள்ளது. இது தொடா்பான விசாரணைக்கு ஜெய்சங்கரை அழைத்துவர, தாமரையூருணி பகுதியிலுள்ள அவரது வீட்டுக்கு, உச்சிப்புளி காவல் நிலைய சாா்பு- ஆய்வாளா் ஜோதிமுருகன் புதன்கிழமை சென்றுள்ளாா். அங்கு ஜெய்சங்கா் மற்றும் அவரது குடும்பத்தினா், சாா்பு- ஆய்வாளருடன் வாக்குவாதத்தில் ஈடுபட்டு, அவரை பணி செய்யவிடாமல் தடுத்துள்ளனா். இதுகுறித்த புகாரின்பேரில், ஜெய்சங்கா் மீது தேவிப்படினம் போலீஸாா் புதன்கிழமை வழக்குப் பதிந்துள்ளனா்.