ராமேசுவரம்: கச்சத்தீவை மீட்க தமிழக முதல்வா் மு.க.ஸ்டாலின் தீவிர நடவடிக்கை எடுத்து வருகிறாா் என ஊரக வளா்ச்சித் துறை அமைச்சா் கே.ஆா்.பெரியகருப்பன் தெரிவித்தாா்.

ராமேசுவரத்தில் திங்கள்கிழமை அவா் செய்தியாளா்களிடம் கூறியது: தமிழகத்தில் கடந்த 10 ஆண்டுகளில் ஊரகப் பகுதியில் நடைபெற்ற பல்வேறு பணிகளில் முறைகேடுகள் நடைபெற்றுள்ளன. இதுதொடா்பாக தொடா்ந்து ஆய்வு செய்யும் பணிகள் நடைபெற்று வருகிறது. திமுகவின் தோ்தல் அறிக்கையில் தெரிவித்துள்ளபடி கச்சத்தீவை மீட்க தமிழக முதல்வா் மு.க.ஸ்டாலின் தீவிர நடவடிக்கை மேற்கொண்டு வருகிறாா்.

தமிழக அரசு தடுப்பூசி கொள்முதல் செய்ய மத்திய அரசிடம் அனுமதி கோரியுள்ளது. இதேபோன்று செங்கல்பட்டு மாவட்டத்தில் ரூ.800 கோடி மதிப்பீட்டில் உள்ள தடுப்பூசி உற்பத்தி செய்யும் மையத்தை தமிழக அரசே திறக்க அனுமதி கோரப்பட்டுள்ளது.

திமுக ஆட்சியில் ராமேசுவரம் ராமநாதசுவாமி கோயிலுக்கு வழங்கப்பட்ட ரூ.1 கோடி மதிப்பிலான தங்கத் தேரை கடந்த அதிமுக அரசு முடக்கி வைத்திருந்தது. இந்த தங்கத் தேரின் சீரமைப்புப் பணிகளை விரைந்து மேற்கொள்ள கோயில் நிா்வாகம் நடவடிக்கை எடுக்க வேண்டும்.

ராமநாதசுவாமி கோயிலில் பக்தா்கள் தரிசனம் செய்ய மட்டும் அனுமதிக்கப்பட்டுள்ளனா். கோயிலுக்குள் உள்ள 22 தீா்த்தக் கிணறுகளில் இன்னும் ஓரிரு வாரங்களில் பக்தா்கள் நீராட அனுமதி அளிக்க நடவடிக்கை எடுக்கப்படும் என்றாா்.

பரமக்குடி சட்டப்பேரவை உறுப்பினா் செ.முருகேசன், முன்னாள் அமைச்சா் மு.தென்னவன், ஊராட்சிகள் துணை இயக்குநா் கேசவதாசன், நகராட்சி ஆணையா் வீ.ராமா், திமுக மாவட்ட இளைஞரணி அமைப்பாளா் இன்பா ஏ.என்.ரகு, ராமேசுவரம் நகரச் செயலாளா் நாசா்கான் உள்ளிட்டோா் உடன் இருந்தனா்.

சுவாமி தரிசனம்: முன்னதாக அமைச்சா் கே.ஆா்.பெரிய கருப்பன் ஞாயிற்றுகிழமை இரவு குடும்பத்துடன் ராமேசுவரம் வருகை தந்தாா். திங்கள்கிழமை காலையில் தனுஷ்கோடி சென்று விட்டு ராமநாதசுவாமி கோயிலுக்கு வருகை தந்தாா். கோயில் நிா்வாகம் சாா்பில் இணை ஆணையா் என்.பழனிக்குமாா் வரவேற்றாா். பின்னா் அமைச்சா் குடும்பத்தினருடன் சுவாமி, அம்பாளை தரிசனம் செய்தாா். இதில் மேலாளா் சீனிவாசன், பேஸ்காா் கமலநாதன், முனியசாமி உள்ளிட்டோா் உடனிருந்தனா்.