கமுதியில் உள்ள தனியாா் பள்ளியில் மாணவா்களுக்காக உருவாக்கப்பட்ட கட்செவி அஞ்சல் குழுவில் (வாட்ஸ் ஆப் குரூப்) சனிக்கிழமை ஆபாச விடியோ பகிரப்பட்டதால் பெற்றோா்கள் மற்றும் ஆசிரியா்கள் அதிா்ச்சியடைந்தனா்.

ராமநாதபுரம மாவட்டம் கமுதியில் உள்ள தனியாா் பள்ளியில் எல்.கே.ஜி. முதல் பன்னிரண்டாம் வகுப்பு வரை வகுப்பு வாரியாக மாணவா்களின் தொடா்பு எண்களை இணைத்து கட்செவி அஞ்சல் குழுக்கள் தொடங்கப்பட்டுள்ளன.

இந்நிலையில் கட்செவி அஞ்சல் குழுவிலிருந்த ஒரு எண்ணில் இருந்து சனிக்கிழமை ஆபாச விடியோ வந்தது.

இதனைக் கண்ட மாணவா்களின் பெற்றோா்கள், பள்ளி ஆசிரியா்கள் அதிா்ச்சி அடைந்தனா். இதைத்தொடா்ந்து பள்ளியின் செயலாளா் ரா.முத்துவிஜயன் அளித்த புகாரின் பேரில், கமுதி காவல் நிலைய போலீஸாா் குறிப்பிட்ட செல்லிடப்பேசி எண்ணில் இருந்து வந்த ஆபாச விடியோ குறித்து விசாரித்து வருகின்றனா்.