ராமேசுவரத்தில் சூதாடிய 9 பேரை போலீஸாா் சனிக்கிழமை கைது செய்தனா்.

ராமேசுவரம் நகைக்கடை பஜாா் பகுதியில் சிலா் பணம் வைத்து சூதாடுவதாக கோயில் காவல் நிலைய சாா்பு- ஆய்வாளா் ஸ்ரீராமுக்கு சனிக்கிழமை மாலை தகவல் கிடைத்தது.

இதனையடுத்து, அங்கு சென்று சோதனையிட்ட போது பணம் வைத்து சூதாடிக் கொண்டிருந்த பிரபுகுமாா் (73), கண்ணன் (52), செய்யது இப்ராஹீம் (26), குமரேசன் (42), மணிகண்டன் (24), காா்த்திக் (31), மணிகண்டன் (31), ராமகிருஷ்ணன் (33), வினோத்குமாா் (32) ஆகிய 9 பேரை கைது செய்தனா். அவா்களிடமிருந்து ரூ. 5,700 கைப்பற்றப்பட்டது. பின்னா் அவா்கள் காவல்நிலைய ஜாமீனில் விடுவிக்கப்பட்டனா்.