ராமநாதபுரம் மாவட்டம் அருகே பயிரிடப்பட்டுள்ள பேரீச்சம் பழ மரங்களை, ஆட்சியா் ஜானிடாம் வா்கீஸ் சனிக்கிழமை பாா்வையிட்டாா்.

ராமநாதபுரம் மாவட்டத்தில் தோட்டக்கலைத் துறை சாா்பில் செயல்படுத்தப்பட்டு வரும் திட்டங்கள் குறித்து, ஆட்சியா் ஜானிடாம் வா்கீஸ் ஆய்வு மேற்கொண்டாா். அப்போது அவா், அத்தியூத்து கிராமத்தில் உள்ள முகம்மது இா்சாத் என்பவா் தோட்டத்தில் கொய்யா, மா பழ வகை மரங்களைப் பாா்வையிட்டாா். பின்னா், அழகன்குளம் கிராமத்தில் சிவானந்தம் என்பவரது தோட்டத்தில் உள்ள நாற்று சிப்பம் கட்டும் அறையைப் பாா்வையிட்டாா்.

தொடா்ந்து, என்மனங்கொண்டான் கிராமத்தில் ஒருங்கிணைந்த பண்ணை வளா்ப்புத் திட்டத்தில் பயிரிடப்பட்டுள்ள மா மரங்களையும், அங்கு வளா்க்கப்படும் கால்நடைகளையும் பாா்வையிட்டு ஆய்வு மேற்கொண்டாா். அங்கு வளா்க்கப்படும் பேரீச்சம் பழ மரங்களைக் கண்ட ஆட்சியா் ஆச்சரியமடைந்தாா். பின்னா், விவசாயியிடம் பேரிச்சம் பழ மரம் விளைச்சல் குறித்து கேட்டறிந்தாா்.

நொச்சியூரணி பகுதியில் உள்ள மல்லி பூ தோட்டத்தையும், பஞ்சன்தாங்கியில் அத்திப்பழ தோட்டத்தையும் பாா்வையிட்டாா். தெற்குத்தரவை கிராமத்தில் தேனி வளா்ப்பு திட்டத்தையும் ஆட்சியா் பாா்வையிட்டு, அங்குள்ளோரிடம் விவரங்களைக் கேட்டறிந்தாா்.

ஆய்வின்போது, தோட்டக்கலைத் துறை துணை இயக்குநா் நாகராஜன் உள்ளிட்டோா் உடனிருந்தனா்.