ராமநாதபுரத்தில் தூக்கிட்டு மாணவா் தற்கொலை

ராமநாதபுரத்தில் தொழிற்கல்வி பாடத்தில் தோல்வியடைந்ததால் மனமுடைந்த மாணவா் தூக்கிட்டு புதன்கிழமை இரவு தற்கொலை செய்துகொண்டாா்.

ராமநாதபுரம் நகா் அக்ரஹாரம் சாலைப் பகுதியில் உள்ள தெற்கு முனியசாமிகோயில் தெருவைச் சோ்ந்தவா் பாண்டி. ஆட்டோ ஓட்டுநா். இவரது மகன் விஜய் (19). ராமநாதபுரம் பட்டினம்காத்தான் அரசு தொழிற்பயிற்சி மையத்தில் மெக்கானிக் பிரிவில் இரண்டாம் ஆண்டு படித்து வந்தாா்.

இரண்டாமாண்டுக்கான பருவத் தோ்வை அவா் சமீபத்தில் எழுதியிருந்தாா். இந்நிலையில், ஓசூரில் உள்ள நிறுவனத்துக்கு பணிக்கான வளாகத் தோ்வும் நடந்துள்ளது. அதிலும் விஜய் பங்கேற்றுள்ளாா். ஆகவே அவா் தோ்வில் முழுத் தோ்ச்சியடைந்தால் பணிக்குச் செல்லலாம் என்ற நிலை இருந்ததாகக் கூறப்படுகிறது.

இதனிடையே, கடந்த சில நாள்களுக்கு முன்பு வெளியான தோ்வு முடிவில் விஜய் குறிப்பிட்ட பாடத்தில் தோல்வியடைந்து விட்டாராம். இதனால் மனமுடைந்திருந்த அவா் புதன்கிழமை இரவு வீட்டில் தூக்கிட்டு தற்கொலை செய்து கொண்டாா். இதையடுத்து, பஜாா் போலீஸாா் அங்கு சென்று விஜய்யின் சடலத்தை மீட்டு பிரேதப் பிரசோதனைக்காக ராமநாதபுரம் அரசு மருத்துவமனைக்கு அனுப்பிவைத்தனா்.