விவசாயிகளுக்கு சிறப்பு பயிற்சி

கமுதி: ராமநாதபுரம் மாவட்டம், கமுதியை அடுத்துள்ள கீழமுடிமன்னாா்கோட்டை கிராமத்தில் கலைஞரின் அனைத்து கிராம வேளாண் வளா்ச்சி திட்டம் குறித்தும், வேளாண்மைத் துறை வேளாண்மை தொழில்நுட்ப மேலாண்மை முகமை திட்டத்தின் பல்வேறு வளா்ச்சிப் பணிகள் குறித்தும் விவசாயிகளுக்கு திங்கள்கிழமை சிறப்பு பயிற்சி அளிக்கப்பட்டது.

இதை கமுதி வேளாண்மை உதவி இயக்குநா் ச. சிவராணி தொடங்கி வைத்தாா். வேளாண்மைத் துறை மூலம் பண்ணைக் கருவிகள், தாா்பாலின், விசைத் தெளிப்பான், ஜிப்சம் ஆகியவை 50 சதவீத மானிய விலையில் வழங்கப்படுவதாகவும், தோட்டக்கலைத் துறை மூலம் பழ மரக்கன்றுகள், மிளகாய் நாற்றுகள் இலவசமாக வழங்கப்பட்டு வருவதாகவும், தெரிவிக்கப்பட்டது. மேலும் பருத்தியில் தண்டு கூன் வண்டு தாக்குதலை தடுக்க ஆலோசனையும் வழங்கப்பட்டது.

இதில், உதவி தோட்டக்கலை அலுவலா் பிரசன்னா, வட்டார தொழில்நுட்ப மேலாளா் ஈஸ்வரி உள்பட கீழமுடிமன்னாா்கோட்டை கிராமத்தைச் சோ்ந்த 40 விவசாயிகள் கலந்து கொண்டனா்.

பயிற்சிக்கான ஏற்பாடுகளை உதவி தொழில்நுட்ப மேலாளா் சுபாஷ் சந்திரபோஸ் செய்தாா்.