உங்களை தேடி ஊங்கள் ஊரில் திட்டம்: காரங்காடு ஊராட்சியில் ஆட்சியா் ஆய்வு

திருவாடானை வட்டம், காரங்காடு ஊராட்சியில் உங்களைத் தேடி உங்கள் ஊரில் திட்டத்தின் கீழ் மாவட்ட ஆட்சியா் சிம்ரன்ஜீத் சிங் காலோன் வியாழக்கிழமை ஆய்வு செய்தாா்.

காரங்காடு கிராமத்தில் உள்ள ஆா்.சி. தொடக்கப் பள்ளியில் ஆய்வு செய்த ஆட்சியா், அங்கு சத்துணவு மையத்தில் சமைத்து பள்ளி மாணவ, மாணவிகளுக்கு வழங்க இருந்த காலை உணவை சாப்பிட்டுப் பாா்த்தாா். அப்போது, குழந்தைகளுக்கு அரசு உத்தரவுப்படி ஒவ்வொரு நாளுக்கும் உரிய உணவை வழங்க வேண்டுமென பணியாளா்களுக்கு அவா் அறிவுறுத்தினாா்.

பின்னா், காரங்காடு ஊராட்சியில் ஊரக வளா்ச்சித் துறை மூலம் செயல்படுத்தப்படும் தூய்மை பாரத இயக்கம் திட்டத்தின் கீழ், தூய்மையைக் கடைபிடிப்பது குறித்த உறுதிமொழி ஆட்சியா் தலைமையில் எடுத்துக்கொள்ளப்பட்டது.

அப்போது, ஒவ்வொருவரும் தங்களது வீட்டையும், சுற்றுப்புறப் பகுதிகளையும் தூய்மையாக வைத்துக் கொள்ள வேண்டும் என பொதுமக்களிடம் ஆட்சியா் கேட்டுக் கொண்டாா்.

மேலும், நெகிழி பயன்பாட்டைத் தவிா்ப்பதற்காக பொதுமக்களுக்கு அவா் மஞ்சப்பைகளை வழங்கினாா்.

தொடா்ந்து, காரங்காடு பகுதியில் நாட்டுப் படகு மீனவா்களை சந்தித்துப் பேசிய ஆட்சியா், அவா்களது கோரிக்கைகள் மீது உரிய நடவடிக்கை எடுப்பதாக தெரிவித்தார்.

இதன்பிறகு, வனத் துறை மூலம் பராமரிக்கப்பட்டு வரும் சுற்றுலாப் படகு மையத்தை பாா்வையிட்டு, அதன் உள்கட்டமைப்பு வசதிகளை மேம்படுத்துமாறு அறிவுறுத்தினாா்.

இந்த ஆய்வின்போது, மாவட்ட மகளிா் திட்ட அலுவலா் சித்ரா , மீன்வளத் துறை துணை இயக்குநா் பிரபாவதி , திருவாடானை வட்டாட்சியா் அமா்நாத், உதவித் திட்ட அலுவலா் நவநீதன், திருவாடானை ஆணையா் கணேசன், வட்டார வளா்ச்சி அலுவலா் ஆரோக்கியமேரி சாரல் உள்படலா் கலந்து கொண்டனா்.