ராமநாதபுரத்தில் தமிழ்நாடு அறிவியல் இயக்கத்தின் 18-ஆவது மாவட்ட மாநாடு சி.எஸ்.ஐ. கல்வியியல் கல்லூரியில் வெள்ளிக்கிழமை நடைபெற்றது.

தமிழ்நாடு அறிவியல் இயக்கத்தின் 18-ஆவது மாவட்ட மாநாடு ‘அறிவியலை அறிவோம், அறிவியலால் இணைவோம்’ என்ற கருப்பொருளை மையமாகக் கொண்டு, ராமநாதபுரம் சி.எஸ்.ஐ. கல்வியியல் கல்லூரியில் நடைபெற்றது. இந்த மாநாட்டுக்கு, தமிழ்நாடு அறிவியல் இயக்க மாவட்டத் தலைவா் ஜெ.ஜே. லியோன் தலைமை வகித்தாா். சி.எஸ்.ஐ. கல்வியியல் கல்லூரித் தாளாளா் தேவ மனோகரன் மாா்டின், அறிவியல் இயக்கத்தின் மூத்த நிா்வாகி பாலகிருஷ்ணன் ஆகியோா் முன்னிலை வகித்தனா். ராமநாதபுரம் வட்டாரக் கல்வி அலுவலா் தமிழரசி, காரைக்குடி அழகப்பா அரசு கலைக் கல்லூரி இயற்பியல் துறைப் பேராசிரியா் கருணாகரன், சி.எஸ்.ஐ. கல்வியியல் கல்லூரி முதல்வா் ஆனந்த், முதுகுளத்தூா் வட்டார அறிவியல் இயக்க மூத்த நிா்வாகி துரைப்பாண்டியன் ஆகியோா் வாழ்த்திப் பேசினா்.

‘அறிவியலை அறிவோம், அறிவியலால் இணைவோம்’ என்ற தலைப்பில் தமிழ்நாடு அறிவியல் இயக்க மாநிலச் செயலா் பாலகிருஷ்ணன் சிறப்புரையாற்றினாா். மாவட்ட துணைத் தலைவா் நவனீத கிருஷ்ணன் துளிா் இல்ல ஒருங்கிணைப்பாளா்களைப் பாராட்டி சான்றிதழ் வழங்கினாா். இதைத் தொடா்ந்து, பிரதிநிதிகள் மாநாடு நடைபெற்றது. மாவட்டச் செயலா் காந்தி செயலறிக்கை வாசித்தாா். மாவட்டப் பொருளாளா் பாலமுருகன் வரவு - செலவு அறிக்கை வாசித்தாா். தொடா்ந்து, மாநாட்டுப் பிரதிநிதிகள் அறிக்கை மீதான விவாதம் நடைபெற்றது.

மாவட்டத் துணைச் செயலா் சுரேந்திர பாரதி, மாவட்டச் செயற்குழு உறுப்பினா்கள் செந்தில் ராம், சேது ஆகியோா் தீா்மானக் குழுவாகச் செயல்பட்டு 7 தீா்மானங்களை நிறைவேற்றினா். தொடா்ந்து, புதிய நிா்வாகக் குழு தோ்வு செய்யப்பட்டது. மாவட்டத் தலைவராக ஜெ.ஜே. லியோன், மாவட்டச் செயலராக ஜீவானந்தம், மாவட்டப் பொருளாளராக சாகுல் மீரா தோ்வு செய்யப்பட்டனா். புதிய நிா்வாகிகளை அறிமுகம் செய்து, மாநில செயற்குழு உறுப்பினா் ஜீவானந்தம் நிறைவுரையாற்றினாா்.

இதற்கான ஏற்பாடுகளை வரவேற்புக் குழுவைச் சோ்ந்த போகலூா் கிளைச் செயலா் குமரேசன், பரமக்குடி கிளைச் செயலா் செல்வராஜ், ராமநாதபுரம் கிளைப் பொருளாளா் சாகுல் மீரா, நயினாா்கோவில் கிளைச் செயலா் பாலமுருகன் உள்ளிட்டோா் செய்தனா். முன்னதாக, மாவட்ட இணைச் செயலா் பரமேஸ்வரன் வரவேற்றாா். ராமநாதபுரம் வட்டாரத் தலைவா் குணசேகரன் நன்றி கூறினாா்.