சிவகங்கை மாவட்டம், கல்லல் ஸ்ரீசோமசுந்தரர் செளந்தர நாயகி அம்மன், குன்னமாகாளியம்மன் தேர்த் திருவிழாவை முன்னிட்டு, மாட்டு வண்டி எல்கைப் பந்தயம் ஞாயிற்றுக்கிழமை மாலை மற்றும் திங்கள்கிழமை காலை நடைபெற்றது.
இப்பந்தயத்தில், பெரிய மாடு, நடு மாடு, சிறிய மாடு, பூஞ்சிட்டு என 4 பிரிவுகளாக போட்டிகள் நடத்தப்பட்டன. இதில், முதலிடம் பெற்ற மாட்டு வண்டிகளின் உரிமையாளர்களுக்கு ரொக்கமும், கோப்பையும் வழங்கப்பட்டன. போட்டியில், ராமநாதபுரம், சிவகங்கை, தேனி, புதுக்கோட்டை, தூத்துக்குடி, திருநெல்வேலி, மதுரை ஆகிய மாவட்டங்களைச் சேர்ந்த மாட்டு வண்டிகள்  கலந்துகொண்டன.