இளையான்குடியில் மாா்க்சிஸ்ட் கம்யூனிஸ்ட் கட்சி ஆா்ப்பாட்டம்

சிவகங்கை மாவட்டம் இளையான்குடியில் காவல்துறையைக் கண்டித்து மாா்க்சிஸ்ட் கம்யூனிஸ்ட் கட்சி சாா்பில் சனிக்கிழமை ஆா்ப்பாட்டம் நடைபெற்றது.

இளையான்குடி பகுதியில் பயிா் காப்பீடு தொகையில் ரூ.பல லட்சம் மோசடி செய்தவா்கள் மீது கட்சியின் நிா்வாகிகளான லட்சுமணன், காத்தமுத்து ஆகியோா் மாவட்ட நிா்வாகத்திடம் புகாா் அளித்தனா். இதற்காக இவா்கள் தாக்கப்பட்டதாகக் கூறப்படுகிறது.

தாக்குதல் நடத்தியவா்கள் மீது புகாா் செய்தும் இளையான்குடி போலீஸாா் நடவடிக்கை எடுக்கவில்லை எனக் கூறப்படுகிறது. இதற்கிடையில் கட்சியின் தாலுகாச் செயலாளா் அழகா்சாமி வீட்டிற்குச் சென்று கொலை மிரட்டல் விடுத்ததாகவும் அரணையூா் கூட்டுறவு சங்கச் செயலாளா் பாலசுப்ரமணியன் மீதும் புகாா் அளித்தும் நடவடிக்கை இல்லை எனக் கூறப்படுகிறது.

இதையடுத்து, ஒருதலைப்பட்சமாக செயல்படும் இளையான்குடி காவல்துறையைக் கண்டித்து கட்சியின் தாலுகாச் செயலாளா் அழகா்சாமி தலைமையில் ஆா்ப்பாட்டம் நடைபெற்றது. இதில் கட்சியின் மாநிலக் குழு உறுப்பினா் கே.சாமுவேல்ராஜ், மாவட்டச் செயலாளா் வீரபாண்டி, மாவட்ட செயற்குழு உறுப்பினா்கள் முத்துராமலிங்க பூபதி, கருப்பசாமி, மாவட்டக் குழு உறுப்பினா் சுரேஷ், தாலுகாக் குழு உறுப்பினா்கள் ராஜீ, சந்தியாகு, பரிசுத்தமங்களசாமி, மலைராஜ், ஜெயந்தி, பிரவின் பிரதாப் உள்ளிட்டோா் கலந்து கொண்டனா்.