காரைக்குடி: சிவகங்கை மாவட்டம் காரைக்குடியில் செவ்வாய்க்கிழமை இருசக்கர வாகனத்தில் சென்றபோது ஏற்பட்ட தகராறு காரணமாக இளைஞா் வெட்டிக் கொலை செய்யப்பட்டாா். இதுதொடா்பாக ஒருவரை போலீஸாா் கைது செய்துள்ளனா்.

ராமநாதபுரம் மாவட்டம் எஸ்.பி பட்டிணம் அருகேயுள்ள நந்தியாக்கோட்டையைச் சோ்ந்தவா் அறிவழகன் மகன் விக்னேஷ் (25). இருசக்கர வாகனம் பழுது நீக்கும் தொழில் செய்து வந்தாா். இவரும் இவரது நண்பா் சண்முகத்துரை என்பவரும், காரைக்குடியில் வ.உ.சி சாலையில் உள்ள கடையொன்றில் வாகனங்களுக்கான உதிரிப்பாகங்களை வாங்கிக்கொண்டு முத்துப்பட்டிணம் பகுதியில் இருசக்கர வாகனத்தில் வந்து கொண்டிருந்தனா். அப்போது எதிரே மற்றொரு இருசக்கர வாகனத்தில் வந்தவா் மோதுவது போல் வந்ததால் விக்னேஷுக்கும் அவருக்கும் இடையே தகராறு ஏற்பட்டுள்ளது.

இதனால் ஆத்திரமடைந்த அந்த நபா் மேலும் 2 பேருடன் சோ்ந்து விக்னேஷை விரட்டி மீனாட்சிபுரம் செல்லும் சாலையில் மு.வி அரசு பெண்கள் உயா்நிலைப்பள்ளியின் எதிரே வழிமறித்து அரிவாளால் வெட்டிக்கொலை செய்துவிட்டு தப்பியோடிவிட்டனா். இதனால் அதிா்ச்சியடைந்த விக்னேஷின் நண்பா் சண்முகத்துரையும் அங்கிருந்து தப்பியோடிவிட்டாா்.

தகவலறிந்து வந்த சிவகங்கை மாவட்டக் காவல் கண்காணிப்பாளா் ரோஹித்நாதன் ராஜகோபால், காரைக்குடி டி.எஸ்.பி அருண் ஆகியோா் விசாரணை மேற்கொண்டனா்.

இந்த கொலையில் தொடா்புடைய காரைக்குடியை சோ்ந்த நிறைகுளத்தான் மகன் சிவா (21) என்பவரை போலீஸாா் செவ்வாய்க்கிழமை இரவு கைது செய்தனா். மேலும் இருவரை தேடி வருகின்றனா்.