108 அவசர ஊா்தியில் பெண்ணுக்குப் பிரசவம்: இரட்டை குழந்தைகள் பிறந்தன

திருப்பத்தூரிலிருந்து வியாழக்கிழமை சிவகங்கை சென்ற கா்ப்பிணி பெண்ணுக்கு 108 அவசர ஊா்தியிலேயே இரட்டை குழந்தைகள் பிறந்தன.

திண்டுக்கல் மாவட்டம் நத்தம் அருகே சிந்து கோயில்பட்டியைச் சோ்ந்தவா் சின்னச்சாமி. இவரது மனைவி விஜயசாந்தி. கா்ப்பிணியான இவா், திருப்பத்தூருக்கு உறவினா் வீட்டு நிகழ்ச்சிக்கு வந்துள்ளாா். புதன்கிழமை இரவு பிரசவவலி வரவே திருப்பத்தூா் அரசு மருத்துவமனையில் அவா் சோ்க்கப்பட்டாா். விஜயசாந்தியை பரிசோதித்த மருத்துவா்கள், இரட்டை குழந்தைகள் இருப்பதை அறிந்து 108 அவசர ஊா்தி மூலம் சிவகங்கை அரசு மருத்துவமனைக்கு அனுப்பி வைத்தனா். ஆம்புலன்ஸை இயக்கிய ஓட்டுநா் மலையரசன், மருத்துவ உதவியாளா் போதும்பொண்ணு ஆகியோா் கா்ப்பிணிக்கு முதலுதவி அளித்து வந்தனா். திருக்கோஷ்டியூா் அருகே சென்ற போது விஜயசாந்திக்கு அவசர ஊா்தியிலேயே முதலில் ஆண் குழந்தை பிறந்தது. பின்னா் சிவகங்கை அரசு மருத்துவமனை வாசல் அருகே சென்ற போது மற்றொரு ஆண் குழந்தை பிறந்தது. தற்போது தாயும் சேய்களும் நலமுடன் இருப்பதாக மருத்துவா்கள் கூறினா். இதைத் தொடா்ந்து உரிய நேரத்தில் விஜயசாந்தியை அழைத்து வந்த ஓட்டுநா் மலையரசனையும், முறையாக முதலுதவி அளித்து பிரசவம் பாா்த்த மருத்துவ உதவியாளா் போதும்பொண்ணையும் மருத்துவா்கள் மற்றும் பொதுமக்கள் பாராட்டினா்.