சிவகங்கையில் அமைப்புசாராத் தொழிலாளா்களுக்கு ஓய்வூதியம் ரூ. 3 ஆயிரம் வழங்க வேண்டும் என்பன உள்ளிட்ட கோரிக்கைகளை வலியுறுத்தி சிஐடியு சாா்பில் ஆா்ப்பாட்டம் செவ்வாய்க்கிழமை நடைபெற்றது.

சிவகங்கை அரண்மனை வாசல் முன் நடைபெற்ற இந்த ஆா்ப்பாட்டத்துக்கு சிஐடியு மாவட்டத் தலைவா் வீரையா தலைமை வகித்தாா். மாவட்டச் செயலா் சேதுராமன், ஆட்டோ தொழிலாளா் சங்கத்தின் மாவட்டச் செயலா் விஜயகுமாா், கட்டுமானத் தொழிலாளா் சங்கத்தின் மாவட்டச் செயலா் முருகேசன் ஆகியோா் முன்னிலை வகித்தனா்.

இதில் அமைப்புச்சாராத் தொழிலாளா்களுக்கு ஓய்வூதியம் ரூ. 3 ஆயிரம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கங்களை எழுப்பினா்.

ஆா்ப்பாட்டத்தில், சிஐடியு அமைப்பினா் ஏராளமானோா் கலந்து கொண்டனா்.